Hindistanda "iPhone" smartfonlarının istehsalı ilə məşğul olan Tayvanın "Wistron" şirkətinin baş direktoru Robert Hvanq "Apple" şirkətinin yeni smartfonu haqda bəzi şayiələri təsdiq edib. Bu haqda "Nikkei Asian Review" nəşri yazır.
Milli.Az ICTnews-a istinadən bildirir ki, onun sözlərinə görə, yeni "iPhone" smartfonu sukeçirməz korpusla təchiz ediləcək. Bundan başqa, Hvanq cihazın simsiz enerjidoldurma sistemi ilə təchiz edilməsi ilə bağlı yayılmış şayiələri təsdiqləyib.
"iPhone smartfonunun quraşdırma prosesi əvvəlki nəsillərlə müqayisədə çox dəyişməyib, hərçənd sukeçirməzlik və simsiz enerjidoldurma kimi yeni funksiyalar bir qədər başqa test tələb edir" - "Wistron" şirkətinin direktoru deyib.
Yeni "iPhone" smartfonu 2017-ci ilin payızında "Apple" şirkətinin illik təqdimatında təqdim ediləcək.
Milli.Az