Mobil telefon

Google Play-də saxtakarlıq azalacaq

18 May 2017 08:41
0 Şərh     Baxış: 859

Mayın əvvəlində "Google" hesab sahibləri nəticələri indiyədək hiss olunan kütləvi fişinq hücumuna məruz qaldıqdan sonra şirkət servislərin, o cümlədən "Google Play" əlavələr mağazasının fəaliyyəti ilə bağlı həyata keçirilən siyasətdə bir sıra dəyişikliklər edib. ABŞ şirkəti istifadəçiləri maksimum fişinq funksiyalı saxta məhsullardan qorumaq üçün eyniadlı saxta proqramların mövcudluğuna son qoymaq qərarına gəlib. Buna səbəb son fişinq hücumunda təhlükəsizlik sistemində əhəmiyyətli çatışmazlıq kimi qiymətləndirilən "Google" sözündən istifadə olub.

Milli.Az ICTnews-a istinadən bildirir ki, proqram tərtibatçıları üçün yeni təlimatda deyilir ki, əlavələrin adları unikal olmalı və artıq dərc edilən proqramların adlarını təkrarlamamalıdır. Həmçinin, əlavələrin dərc edilmə prosesləri, risklərin qiymətləndirilməsi sistemi, istifadəçi funksiyaları yenilənib.

Məlumata görə, "Google"un internet əlavələri üzrə istifadəçi məlumatlarını tələb edən yeni yoxlama mərhələsi tətbiq etməsi nəticəsində bir sıra əlavə tərtibatçıları "Google API Console", "Firebase Console" və ya "Apps Script Editor" vasitəsilə yeni proqram dərc etmək və ya köhnə versiyanı modifikasiya etmək istəyən zaman səhvlə rastlaşa bilər. Bir sıra əlavələrin əllə yoxlanılması prosesi üçün 3-7 gün, bəzi hallarda isə daha az müddət lazım olacaq.

"Google Play" mağazasında həyata keçirilən genişmiqyaslı yenidənqurma işləri nəticəsində təhlükəli və saxta servislərin fəaliyyətinə son qoyulacaq.

Milli.Az

Digər maraqlı xəbərlər Milli.Az-ın Facebook səhifəsində

Система Orphus * Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.