Kulinariya

İftara bunları hazırlaya bilərsiniz

11 İyun 2018 21:20
0 Şərh     Baxış: 1 597

Artıq Ramazan ayının 26-cı günüdür. Hər gün 16 saata yaxın ac qaldığınız üçün düzgün qidalanmaq şərtdir.

Milli.Az axşam.az-a istinadən iftara hazırlamaq üçün bir neçə təamı sizlərə təqdim edir:

Pomidor şorbası

Tərkibi:

2 ədəd orta ölçülü pomidor

1 çay qaşığı tomat pastası

1 xörək qaşığı un

1 xörək qaşığı kərə yağı

1 stəkan su

Duz, istiot

Holland pendiri

Hazırlanma qaydası:
Öncə pomidorların qabığı soyulub, duz qatılıb, kərə yağında qovrulur. Suya tomat və un əlavə edilib, yaxşıca qarışdırılır və qovrulmuş pomidorun üzərinə tökülür. Sonra blenderle qarışdırılır. 10 dəqiqə az odda bişdikdən sonra  şorba hazırdır. Pomidor şorbasını süfrəyə verən zaman, üzərinə sürtgəcdən keçirilmiş holland pendiri səpilir.

Bananlı desert

Tərkibi:

2 ədəd banan

1 lay qat-qat xəmir

120 qram şokolad yağı və ya qatılaşdırılmış süd

1 ədəd yumurta

150 qram şokolad

Hazırlanma qaydası:

2 bananı 12 bərabər hissələrə bölün və qabığını soyun. Qat-qat xəmiri oxlovla yüngülcə yayın. Doğranmış bananları eninə xəmirin üzərinə düzün. Hər banan diliminin enində təxminən 3-5 sm-lik zolaqlar kəsin. Şokolad yağını mikrodalğalı sobada ilıdın və bananların üzərinə tökün. Rulet şəklində səliqəli bükün. Soba sinisinə silikon keks qəlibini yerləşdirin. Qəlibin kənarlarından xəmirə bükülmüş bananları qoyun. Üzərinə çırpılmış yumurta yaxın, keks qəlibinin də içərisinə şokolad yerləşdirin. 180 dərəcə qızdırılmış sobada 20 dəqiqə bişirin.

Tərəvəzli badımcan dolması

Tərkibi:

Badımcan

Bibər

Pomidor

Soğan, sarımsaq

Duru yağ

Duz

Hazırlanması:

Badımcanı yarıqabıqlı orta ölçüdə uzunsov kəsin. Duzlu suda yarım saat saxlayın. Daha sonra duru yağda qızardıb başqa qaba qoyun. Ayrı tavada soğan və sarımsaqları qovurun. Üzərinə kub şəklində doğradığınız bibərləri əlavə edin. Son olaraq, qabığı soyulmuş kub şəklində doğranmış pomidor əlavə edilir və bişirilir. Zövqə görə, ədviyyat əlavə edə bilərsiniz. Qızardılan badımcanların bir ucuna bu içlikdən qoyulub rulon şəklində bükülür. İstədiyiniz 

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.