Kulinariya

Asan hazırlanan çiyələkli tart - RESEPT

29 Aprel 2018 07:00
57 Şərh     Baxış: 6 563
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Meyvəli şirniyyatı sevməyən yoxdur. Hazırda da yaz fəslidir və meyvələrin ən gözəli və dadlısı çiyələyin fəsli yetişir. Milli.Az ailem.az-a istinadən mətbəxinizdə asan hazırlayacağınız çiyələkli tart reseptini verir.

Lazım olanlar:

150 qram kərə yağı

Yarım stəkan şəkər tozu
1 paket vanil 
1 yumurta
2 stəkan un

Kremi üçün:

2 stəkan yarım süd 
3 xörək qaşığı nişasta 
3 xörək qaşığı şəkər tozu
1 paket vanil 
2 xörək qaşığı kərə yağı
1 paket toz krem şanti 

Hazırlanması:

Xəmiri hazırlamaq üçün undan başqa bütün ləvazimatları yoğurun. Daha sonra unu içinə yavaş-yavaş əlavə edərək yoğurmağa davam edin. 

Hazırlanan xəmirdən parçalar qopararaq, daha əvvəldən yağlanmış kiçik tart qəliblərinin içinə yerləşdirin. 

Xəmiri qəliblərin içinə yerləşdirdikdən sonra qabarmaması üçün çəngəllə deşiklər açın.

180 dərəcəlik sobada 20 dəqiqə bişirin. 

Bişən tart xəmirlərini soyumaları üçün sərin bir yerdə saxlayın. 

Kremin hazırlanması: Qazana sıra ilə süd, nişasta və şəkər tozu tökərək qarışdırın. Qarışım krem formasına gəldikdə içinə kərə yağı tökün və qarışdırmağa davam edin. 

Qaynayan kremi ocaqdan götürün və içinə krem şanti töküb çırpın. Alınan kremi tartların içinə sıxın və çiyələklə bəzəyin.

Nuş olsun!

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.