Kulinariya

Ağ gilas mürəbbəsini belə bişirin - HAZIRLANMA QAYDASI

31 İyul 2017 07:00
10 Şərh     Baxış: 9 266
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ağ gilas bir meyvə kimi demək olar ki, hər kəsin xoşuna gəlir. Hamı çalışır ki, gilas mövsümü sovuşmamış bu ləzzətli meyvədən doyunca dadsın. Həmçinin ağ gilas mürəbbəsini də xüsusi sevənlər var. Amma hər kəs də ağ gilasın mürəbbəsini yaxşı bişirə bilmir. Əksər hallarda ya gilaslar əzilir, ya da suyu bal kimi şəffaf süzülmək əvəzinə, bəhməz kimi tünd və qatı olur. Milli.Az ailem.az-a istinadən ağ gilasın asan bişirilmə qaydasını təqdim edir.

Tərkibi:
 
1 kilo ağ gilas
700 qr şəkər tozu (üstünü örtəcək qədər)

Hazırlanma qaydası:
 
Yuduğunuz gilasların dənəsini çıxarıb ləyənə tökün. Üzərinə şəkər tozunu əlavə edin. Bir gecə soyuducuda saxlayandan sonra səhərisi gün vam odda şəkər tozu əriyib gilaslar yumşalana qədər bişirin. Yumşalan gilasları çox dağılmaması üçün iri kəfkirlə başqa bir qaba yığın. Şərbətini isə 10 dəqiqə qaynadın. Sonra gilasları əlavə edib 3-4 dəqiqə bişirərək ocağı söndürün. İsti-isti bankalara yığıb ağzını möhkəm bağlayın.
 
Tövsiyə: Mürəbbəni bişirərkən içinə portağal, limon qabığı da rəndələyə bilərsiniz.
 
Nuş olsun!

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.