Tomatlı yeməklərə 1 qaşıq əlavə edin: Turşuluğ, kəskin dad aradan qalxır

Tomatlı yeməklərdə bəzən ortaya çıxan kəskin və turş dad yeməyin bütün ləzzətini itirir. Bunu azaltmaq üçün mətbəxdə tez-tez istifadə edilən sadə üsullardan biri az miqdarda şəkər tozu əlavə etməkdir. Şəkər, xüsusilə tomat pastasından gələn turş dadın daha az hiss olunmasını təmin edərək yemeyin ləzzətini tarazlaşdırır.

Milli.Az xəbər verir ki, bu üsul tomat souslarında da uzun müddətdir istifadə olunur. Lakin məqsəd yemeyi şirinləşdirmək deyil. Buna görə də miqdarı nəzarətdə saxlamaq və yemeyin miqdarına görə tənzimləmək lazımdır. Bəzi reseptlərdə 1 çay qaşığı şəkər kifayət hesab edilir, daha kiçik porsiyalarda isə çox daha az miqdarda istifadə edilməsi tövsiyə olunur.

Tomat və tomat pastası təbii olaraq turşuluq ehtiva edir. İstifadə edilən tomatın növündən və miqdarından asılı olaraq bu turşuluq bəzi yeməklərdə daha qabarıq ola bilər. Xüsusilə çox tomat istifadə edildikdə və ya tomat kifayət qədər qovrulmadıqda kəskin dad daha çox hiss oluna bilər. Yeməyə əlavə edilən kiçik miqdardakı şəkər məhz burada işə düşür. Şirin və turş dadlar bir-birini tarazlaşdırdığı üçün şəkər tomatın kəskinliyini azaldaraq daha balanslı bir ləzzət yaradır. Lakin ümumi inancın əksinə olaraq şəkər yemeyin turşuluğunu kimyəvi cəhətdən yox etmir; turşuluğun damaqda daha az hiss olunmasını təmin edir. 

Hər tomatlı yeməkdə lazım olmaya bilər
Bu üsul xüsusilə tomatın və ya tomat pastasından gələn dadın açıq-aydın turş olduğu yeməklərdə işə yarayır. Tomatın dadı onsuz da balanslıdırsa, şəkər əlavə etmək məcburi deyil. Yetişmiş pomidorlarla hazırlanan souslarda da təbii şirinlik kifayət edə bilir.

Tomatın düzgün şəkildə qovrulması da vacibdir. Tomatı yağda qısa müddət qovurmaq çiy qoxusunun getməsinə və ləzzətinin üzə çıxmasına kömək edir. 

Müəllif: Ülkər Vəliyeva (Milli.Az redaktor)