Kulinariya

Tavada ağzı bağlı, yumşaq pizza resepti

19 Fevral 2026 03:03

Baxış: 375

VTB-də minimal faiz dərəcəsi ilə nağd kredit 10.49%-dən

#KULİNARİYA

Bu reseptin ən böyük üstünlüyü xəmirin maya gözləmədən hazırlanması, az inqrediyent tələb etməsi və tavanın qapağı sayəsində yaranan buxarla pizzanın üst hissəsinin də mükəmməl bişməsidir.

Milli.Az lazım olan inqrediyentləri təqdim edir:
Xəmir üçün:

1 ədəd yumurta

3 xörək qaşığı qatıq

1 xörək qaşığı zeytun yağı

1 çay qaşığı şəkər tozu, yarım çay qaşığı duz

Yarım paket qabartma tozu

Təxminən 1.5 - 2 stəkan un (xəmir keks xəmirindən bir az daha qatı, qaşıqla yayıla bilən konsistensiyada olmalıdır)

Sous üçün:

1 xörək qaşığı tomat pastası

1 diş rəndələnmiş sarımsaq

Kəklikotu (kekik), zeytun yağı və bir az ilıq su (sousu açmaq üçün)

Üstü üçün (istəyə görə):

Rəndələnmiş holland pendiri (kaşar)

Sucuk, sosiska və ya salam

Göbələk, bibər, zeytun, qarğıdalı

Hazırlanma qaydası
Göbələk və bibər kimi gec bişən tərəvəzləri əvvəlcədən tavada 1-2 dəqiqə sote etmək məsləhətdir ki, pizzanın üstündə çiy qalmasınlar.

Yumurta, qatıq, yağ, şəkər və duzu qarışdırın. Qabartma tozu və unu az-az əlavə edərək pürüzsüz bir xəmir əldə edin. Əgər xəmir çox bərk olarsa, bir az qatıq, çox axıcı olarsa, bir az un əlavə edə bilərsiniz.

Orta boy (təxminən 26 sm) tavanı yüngülcə yağlayın. Xəmiri tavaya töküb qaşıqla hər tərəfə bərabər yayın.

Xəmirin üzərinə hazırladığınız tomat sousunu çəkin. Əvvəlcə bir az rəndələnmiş pendir səpin, sonra digər vəsaitləri düzün və ən üstə yenidən bol pendir əlavə edin.

Tavanın qapağını bağlamaq çox vacibdir, çünki buxar pendirin əriməsini və xəmirin üstünün də bişməsini təmin edir.

Pizzanı mütləq vaza atəşdə (kısık ateş) bişirin. Əks halda altı yanar, üstü isə çiy qalar.

Təxminən 10-12 dəqiqə ərzində xəmirin altı qızaranda və pendirlər tam əriyəndə pizzanız hazırdır.

Lalə Qüdrətova
Milli.Az