Kulinariya

Karamelizə soğanlı yumurta: Səhər yeməyinin yeni sevimlisi

20 Yanvar 2026 23:34
Baxış: 2 044
VTB-də minimal faiz dərəcəsi ilə nağd kredit 9.9%-dən
#KULİNARİYA

Bu resept xüsusilə həftəsonu səhər yeməkləri üçün həm çox doyurucu, həm də hazırlanması asan bir alternativdir. Soğanın karamelizə olunmuş dadı ilə qaynadılmış yumurtanın vəhdəti süfrənizə fərqlilik qatacaq.

Milli.Az lazım olan ərzaqları təqdim edir:
Yumurta: 3-4 ədəd (sayı istəyə görə dəyişə bilər)

Soğan: 2 ədəd böyük boy (aypara şəklində doğranmış)

Kərə yağı: 1 xörək qaşığı

Zeytun yağı: 2 xörək qaşığı

Tomat pastası: yarım çay qaşığı (rəng verməsi üçün)

Ədviyyatlar: Duz, istiot, pul bibər, kəklikotu (kekik).

Hazırlanma qaydası:
Yumurtaları bərk hala gələnə qədər qaynadın (təxminən 8-10 dəqiqə). Qabıqlarını soyub tən ortadan iki yerə bölün.

Tavaya zeytun yağını və kərə yağını əlavə edin. Aypara şəklində doğradığınız soğanları tavaya tökün. Soğanlar yumşalıb tam qızılı rəng (karamelizə) alana qədər orta odda qovurun.

Soğanlar qovrularkən bir çimdik şəkər tozu əlavə etsəniz, karamelizə prosesi daha uğurlu olar.

Qovrulmuş soğanların üzərinə tomat pastasını və ədviyyatları (duz, istiot, kəklikotu, pul bibər) əlavə edib 1-2 dəqiqə də qarışdırın.

Ortadan böldüyünüz yumurtaların sarı hissəsi aşağı baxacaq şəkildə soğanların üzərinə düzün.

Tavanın qapağını örtüb 2-3 dəqiqə bu şəkildə bişirin ki, soğanların dadı yumurtaya keçsin. Üzərinə istəsəniz bir az da qırmızı bibər və ya doğranmış cəfəri səpərək isti şəkildə servis edin.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.