Ermənistan-Azərbaycan münaqişəsi

Azərbaycanlılar etiraz etdi - Polşadan Dağlıq Qarabağa turist səfərinin qarşısı alındı

6 İyun 2018 12:22

1 Şərh Baxış: 1 570

#DAĞLIQ QARABAĞ #TURİST

Polşada Azərbaycanlı Gənclər Şurası (PAGŞ) və onun nəzdnində fəaliyyət göstərən Varşava Azərbaycanlılar Birliyi (VAB), Vroçlav Azərbaycanlilari Birliyi (VAB), Katoviçe Azərbaycanlılar Birliyi (KAB) və Lodz Azərbaycanlılar Birliyi Polşada fəaliyyət göstərən "Adventure Club Radoslaw Kasprzak" turizm şirkətinin Dağlıq Qarabağa təşkil etdiyi turist səfərinə ciddi etiraz edib.

Diasporla İş üzrə Dövlət Komitəsindən Milli.Az-a verilən məlumata görə, nəticədə Azərbaycan Respublikasının işğal olunmuş ərazilərinə təşkil edilən qeyri-qanuni səfər təxirə salınıb. Problemin aradan qaldırılmasında Azərbaycanın Polşadakı Səfirliyinin böyük rolu olub.

Bu barədə aşıqlama verən PAGŞ-ın nümayəndələri bildiriblər ki, Polşada yaşayan azərbaycanlılar bu məsələdə çox böyük həmrəylik göstəriblər və bundan sonra da yolllarına əmin addımlarla davam edib, Polşa ictimaiyyətinə tarixi həqiqətləri çatdıracaqlar.

Qeyd edək ki, "Adventure Club Radoslaw Kasprzak" şirkəti Azərbaycan Respublikasının Polşadakı Səfirliyinə Dağlıq Qarabağa nəzərdə tutulan səfərlərin ləğvinə dair rəsmi məlumat verib.

Yusif Nəsirli
Milli.Az