PUL
.png)
PayPal Holdings şirkəti Pinterest sosial şəbəkəsini almaq imkanını nəzərdən keçirdir. Bu barədə Bloomberg saytı xəbər verib. Qeyd etmək lazımdır ki, Pinterest 2019-cu ildə birjaya çıxmışdı və onun ilkin bazar dəyəri 10 milyard dollar dəyərində qiymətləndirilmişdi. Bu məsələ ilə yaxından əlaqəli olan şəxslərin sözlərinə əsasən bir neçə müddət bundan öncə PayPal şirkəti Pinterest-ə müraciət edib və onun alınması təklifini edib. Məlumata əsasən tərəflər Pinterest-in səhm qiymətinə əsaslanaraq potensial müqavilənin dəyərini müzakirə ediblər.
Qeyd etmək lazımdır ki, Pinterest-in bir səhminin qiyməti 70$ təşkil edir. Bu qiyməti nəzərə alaraq Pinterest-in bazar dəyəri təqribi olaraq 39 milyard dollar təşkil edir. İki şirkət arasındakı potensial müqavilə xəbərinin ortaya çıxmasından sonra Pinterest-in səhm qiyməti 19% yüksəlib. PayPal-un isə səhm qiyməti aşağı düşüb və onun bazar dəyəri 309 milyard dollar təşkil edib. Bloomberg-in sözlərinə əsasən Pinterest-in həmtəsisçisi Evan Sharp şirkətdən qovulduğu üçün sosial şəbəkə hal hazırda çətin zamanlardan keçir.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)