Kəmərlərinizi bərk bağlayın: dünyanın ən təhlükəli 5 hava limanına səyahət edirik

Düşünürsüz dünyadakı bütün hava limanları bizim hava limanımız kimi geniş, rahat uçuş enmə zolaqlıdır? Yanılırsız. Bildiyimiz kimi, bəzi hava limanları qısa uçuş enmə zolağına sahibdirlər və bu səbəbdən dolayı, həmin hava limanlarına yumşaq eniş etməyi yalnız xəyalınızda görə bilərsiniz.

Milli.Az aviatravel.az-a istinadən bildirir ki, uçuş enmə zolaqlarının qısa olmasının səbəbi, tikildiyi yerin kiçik olması, coğrafiyası, relyefi ilə əlaqəli, bəziləri isə maddi ehtiyacdan dolayı böyüməmələridir. Bu hava limanları pilotlar üçün qorxulu bir yuxudur. Çünki bu limanlar çox zaman üç tərəfi dənizlə əhatə olunmuş bir yarımada və ya uçurum kənarında salınmış bir hava limanıdır.

1) Dünyanın ən təhlükəli hava limanları siyahımızı ilk olaraq, Nepalda yerləşən Lukla ilə açırıq. Hava Limanı Everesti ilk fəth edən alpinistlərin (Horqey və Hillarinin) adları ilə bağlıdır. Liman dəniz səviyyəsindən 2860m hündürlükdə - dağların əhatəsində yerləşir. Bu təhlükə səbəbindən pilotlar burada enişi avto-pilot sistemini işə salmadan yerinə yetirirlər. Burada qalxış və enişlər səhər saatları radələrində, duman yaranmamış həyata keçirilir. Hər şey hava şəraitindən aslıdır. Əgər, "onun ürəyi istəsə" sizin gecikmələriniz saatlardan-günlərə qədər uzana bilər. 

2) Heç də təhlükəsi az olmayan, hava limanlarından biri Butandakı Parodur. Himalay dağları əhatəsindəyerləşən bu liman dəniz səviyyəsindən 3 km hündürlükdə yerləşir. 2011-ci ilə qədər bura yalnız bircə hava yolları şirkəti bura uçuşlar həyata keçirib. Bu gün dünyada yalnız 12 pilot bu hava limanında işləmək üçün hazırlanıb. Həmin pilotlardan üçü yunanlardır. Bunun səbəbi,Yunanıstanın adalarında yerləşən limanların təhlükəli olmasıdır. Bu səbəbdən dolayı, yunanlı pilotlar digər pilotlara nisbətən daha bacarıqlı və təcrübəlidirlər.

3) Barra Hava Limanı Şotlandiyada eyniadlı adada yerləşir. Bura dünyada yeganə qumlu UEZ-dən ibarətdir. Barraya gecə reysləri həyata keçirilmir, belə ki, təcili vəziyyətlərdə gecə uçuşlar yerinə yetirilən zaman uçuş zolaqları maşın faraları vasitəsilə işıqlandırılır.

4 ) Əgər, siz Antarktikaya uçmaq fikrindən daşınmasanız, İce-Runway Hava Limanına eniş edəcəksiniz ki, o da yalnız yay aylarında sərnişinlərə xidmət göstərir.

5) Möhtəşəm Portuqaliya adalarından olan Madeyra təkcə Ronaldonun vətəni kimi məşhur deyil, həmçinin,dünyanın ən təhlükəli uçuş enmə zolağına sahib hava limanı kimi tanınır. Liman ətrafında dəniz və dağlar yerləşən ən təhlükəli hava limanlarından biridir.

Lakin bu sadaladıqlarımız dünyanın çox az hava limanlarına şamil edilir. Nəzərə alın ki, hava nəqliyyatı ən təhlükəsiz nəqliyyat vasitəsidir və demək olar ki, dünyadakı bütün hava limanları əlverişli ərazidə yerləşir.

Xoş uçuşlar!

Milli.Az