Maraqlı

Dəvə öz sahibinin günahsız olduğunu belə sübut etdi

17 İyul 2021 21:55
0 Şərh     Baxış: 1 829
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yəmən əhlindən olan səhra ərəbi qırmızı rəngli dəvəyə minən halda Həzrət Peyğəmbərin (s) xidmətinə gəlir. Həzrətə (s) salam verir.

İnsanlar deyirlər: "O, bu dəvəni oğurlamışdır".

Həzrət (s) buyurur: "Şahidiniz vardırmı?".

Deyirlər: "Bəli, ya Rəsulallah!".

Peyğəmbər (s) İmam Əliyə (ə) buyurur: "Ey Əli! Əgər şahid gətirsələr, Allahın haqqını ondan al".

Ərəb başını bir qədər aşağı salıb, sakit dayandı. Həzrət (s) ona buyurdu: "Ayağa qalx və günahsız olduğun üçün dəlil gətir".

Bu zaman dəvə dilə gəldi və Peyğəmbərə (s) xitab edərək, dedi: "Səni haqq olaraq məbus edən Kəsə and olsun ki, bu şəxs məni oğurlamamışdır və mənim ondan başqa malikim yoxdur".

Həzrət Peyğəmbər (s) ərəbə buyurdu: "Nə dedin ki, Allah sənin günahsız olduğunu demək üçün dəvəni dilə gətirdi?".

Ərəb dedi: "Dedim ki, "Allahım! Elə bir kəs yoxdur ki, Sənə yardım etsin. Elə bir kəs yoxdur ki, Sənin rübubiyyətində şərik olsun. Sən buyurduğun kimi, bizim Rəbbimizsən. Səndən xahişim vardır ki, Muhəmməd (s) və Ali-Muhəmmədə (ə) salavat göndərəsən və mənim günahsız olduğumu aşkar edəsən"". (Həvzəh)

Bu zaman Həzrət (s) buyurdu: "Məni məbus edən Allaha and olsun ki, sənin sözlərini yazan mələkləri gördüm. Bilin ki, hər kim bu ərəb kimi giriftar olsa, bu cür dua etsin və mənə çoxlu salavat göndərsin".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.