Maraqlı

Uşaqlara bu oyuncağı qətiyyən almayın - Xəbərdarlıq

19 İyun 2021 16:30
Baxış: 894
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Son 1 ildə 5 uşaq təhlükəli oyuncaq sayılan rəngli şarik maqnitləri udduğuna görə cərrahiyyə əməliyyatı keçirib.

Milli.Az xəbər verir ki, bu sözləri Axar.az-a uşaq cərrahı Toğrul Ömərov uşaqların sağlamlığı üçün təhlükə yarada bilən oyuncaqlar barədə danışarkən deyib.

"Rəngli şarik maqnitlər bağırsaq keçməzliyi, ən önəmlisi bağırsaq deşilməsi, yəni perforasiya yarada bilir. Uşağın ilk udduğu maqnit önə keçir və udulan digər maqnitləri özünə çəkir. Bağırsaq divarı incə olduğuna görə sıxılma baş verir. Bu zaman bağırsaqda qan dövranı pozulur, nəticədə bağırsağın yapışan hissəsi çürüyür. Belə problemlər 2-6 yaş arası uşaqlarda daha çox müşahidə olunur. 15 ədəd maqnit udan 3 yaşlı körpə ağır vəziyyətdə klinikaya gətirilmişdi. Maqnitlər uşağın bağırsağını 7 yerdən perforasiya etmişdi. Cərrahiyə yolu ilə körpənin sağlamlığını bərpa edə bildik. Ümumiyyətlə, xırda oyuncaqlar uşaqların qida və nəfəs borusunda da ciddi fəsadlar yaradır. Valideynləri ağlı kəsməyən, yaşı 8-dən aşağı olan uşaqlara bu cür təhlükəli oyuncaqları almamağa, çətin hallarla qarşılaşmamaları üçün diqqətli olmağa çağırırıq", - T.Ömərov valideynlərə xəbərdarlıq edib.

Milli.Az 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.