Niderlandın Den Boş şəhərində rəssam və heykəltəraş Dris Kreijkamp tərəfindən inşa edilən dairəvi top şəkilli evlər yadplanetlilərin yaşayış məntəqəsini xatırladır.
Milli.Az AZƏRTAC-a istinadən bildirir ki, hər bina silindrik bir yuvada yerləşir. Altı dəyirmi pəncərə evin içərisinə çoxlu gün işığının düşməsinə imkan verir.
Layihə müəllifinin sözlərinə görə, 55 kvadratmetr sahənin hər biri maksimum dərəcədə istifadə olunur, buna görə evlərin sakinləri yer çatışmazlığı hiss etmirlər. Evin yuxarı hissəsində yataq otağı, mətbəx, qonaq otağı və hamam otağı var.
Spiral pilləkənlə birləşdirilmiş bütün yaşayış otaqları evin üç mərtəbəsini təşkil edir.
Milli.Az