Maraqlı

Boeing 2,2 milyard dollar təzminat ödəyəcək

12 Yanvar 2021 20:15
Baxış: 439

Boeing şirkəti 737 Max təyyarəsi ətrafında işin tənzimlənməsi üçün 2,5 milyard ABŞ dolları məbləğində vəsait ödəyəcək.

Milli.Az ted.az-a istinadən bildirir ki, şirkət cərimə kimi ABŞ Ədliyyə Nazirliyinə 244 milyon ABŞ dolları, təzminat kimi isə müştərilərə 1,77 milyard ABŞ dolları və təyyarə qəzası qurbanları fonduna 500 milyon ABŞ dolları ödəyəcək.

Qeyd edək ki, 2018-ci ilin 29 oktyabrında Lion Air şirkətinə məxsus Boeing 737 Max Cakarta hava limanından qalxdıqdan bir qədər sonra, 2019-cu ilin 10 martında isə Ethiopian Airlines-a məxsus eyni tipli təyyarə Əddis Ababadan qalxdıqdan dərhal sonra qəzaya uğramış, bu iki hadisədə bütövlükdə 346 nəfər həlak olmuşdu. Bundan sonra sözügedən tipli təyyarələrin istismarına qadağa qoyulmuşdu.

Aparılan araşdırmalar zamanı hər iki hadisənin səbəbi təyyarələrdəki yeni MCAS (Maneuvering Characteristics Augmentation System - Manevretmə Göstəricilərini Artırma Sistemi) sisteminin nasaz sensordan məlumat alaraq səhv fəaliyyəti olduğunu göstərdi.

Boeing tərəfindən müvafiq təkmilləşdirmə işləri görüldükdən sonra Federal Aviasiya Administrasiyası (FAA) ekspertləri 20 ay ərzində tədqiqat və yoxlama işləri aparıblar. Nəhayət, 18 noyabr tarixindən FAA yeni proqram təminatı ilə təchiz edilmiş Boeing 737 Max-ların müntəzəm uçuşlarda istifadəsinə razılıq verdi.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.