Türkiyənin böyük tamaşaçı auditoriyasına malik "Eşkiya dünyaya hükümdar olmaz" serialının çəkiliş məkanında gərgin anlar yaşanıb.
Milli.Az axşam.az-a istinadən bildirir ki, ekran işinin çəkiliş heyəti Maltepe bölgəsində bir otel kirayələyib. Sözügedən oteldə qalan 3 şəxs serialın çəkiliş məkanı üçün hazırlıq görən qadınlara nalayiq sözlər söyləyərək, təhqir ediblər.
Əvvəl qadınlar onların sərxoş olduğunu zənn edib və bu hərəkətlərinə məhəl qoymayıblar. Daha sonra gərginlik artmağa başlayıb. Onlar zorla çəkiliş meydanına daxil olub, aktyorlarla foto çəkdirmək istəyiblər.
Bundan sonra hadisə yerinə polis gəlib. Qadınlar həmin şəxslərdən şikayətçi olublar. Saxlanılan şəxslərin əvvəllər də ittiham olunduqları ortaya çıxıb. Onlar haqqında istintaq başladılıb.
Milli.Az