Maraqlı

Alimlər koronavirusu zərərsizləşdirən antitelləri aşkarladılar

14 İyul 2020 21:45
Baxış: 492
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Köln Universiteti Klinikasının, Alman İnfeksiya Tədqiqatları Mərkəzinin alimləri İsraildən olan mütəxəssislərlə birlikdə koronavirus infeksiyasını neytrallaşdıran 28 antitel (orqanizmə yad cisimlər, zülallar-red) aşkarlayıblar.

Milli.Az deyerler.org-a istinadən bildirir ki, alimlər SARS-CoV-2-yə yoluxmuş 12 pasiyentdən götürülmüş qanın 4 mindən çox spesifik hüceyrəsini tədqiq ediblər.

"Nəticədə laboratoriyada 255 antitel təkrar istehsal edilib və SARS-CoV-2 əleyhinə təsirsiz hala gətirildiyi üçün sınaqdan keçirildi. Ümumilikdə alimlər SARS-CoV-2-ni təsirli şəkildə neytrallaşdıra bilən 28 antitel tapdılar", - deyə Alman İnfeksiya Tədqiqatları Mərkəzinin məlumatında bildirilir.

Alimlər koronavirusu zərərsizləşdirən antitelin immun sistemi tərəfindən olduqca tez formalaşdırılmasına diqqət ediblər.

"Bu, virusu effektiv şəkildə tapmaq və zərərsizləşdirmək üçün adaptasiyaya çox az vaxt tələb etdiyini göstərir", - deyə mərkəzin həkimlərindən biri bildirib.

Beləliklə, tədqiqatçıların qeyd etdiyi kimi, bu "aktiv peyvəndin ümumi əhali arasında virusdan tez qorunmanı təmin edə biləcəyinə" ümid verir.

Koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 213 ölkə və bölgədə qeydə alınıb.

Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.