Maraqlı

Keke Rosberqin Lamborghini Countach superkarı satışa çıxarılıb - FOTO

12 İyul 2020 22:30
Baxış: 1 608
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İtaliyada, ilk sahibi 1982-ci ilin Formula 1 üzrə dünya çempionu Keke Rosberq olan Lamborghini Countach superkarını satışa çıxarıblar. 1985-ci ildə buraxılmış superkarın yalnız iki sahibi olub, yürüşü isə 14 min kilometrdir. Avtomobil ideal vəziyyətdədir.

Keke Rosberq Lamborghini Countach modelini 1985-ci ilin aprelində əldə edib: Finlandiyalı dünya çempionu bir silindrində dörd klapanı olan mühərrik ilə təchiz edilmiş Countach LP5000 Quattrovalvole versiyasını alıb. Belə Countach modelinin əsas fərqləri kevlardan hazırlanmış  kuzov panelləri və karbüratörlərin dəyişdirilmiş yerləşməsidir.

Milli.Az autograph.az-a istinadən bildirir ki, Lamborghini Countach LP5000 Quattrovalvole modeli 454 at qüvvəsi hasil edən 5,2-litrlik V12 mühərriki ilə təchiz edilib. Güc qurğusunun fırlanma anı 5-pilləli mexaniki transmissiya vasitəsilə arxa təkərlərə ötürülür. Cəmi 610 ədəd LP5000 QV modeli buraxılıb.

Rosberq tərəfindən sifariş edilmiş Lamborghini superkarının digər xüsusiyyəti, fil sümüyü rənginə boyanmış kuzovun və ağ dəri ilə üzlənmiş interyerin birləşməsidir. Superkarın əfsanəvi pilota məxsus olması xüsusi lövhəcik ilə sübut olunur.

35 il ərzində avtomobilə yaxşı baxılıb, buna görə də onun texniki vəziyyət əladır: həm daxili, həm də xarici görünüş orijinal formasını qoruyub saxlanmışdır. Superkarla birlikdə 1980-ci illərin alətlər dəsti və ehtiyat təkəri təklif olunur. Salonda orijinal olmayan yalnız kilimlərdir.

Top Marques şirkəti Lamborghini Countach modeli üçün 636 900 avro əldə etmək istəyir. Bu məbləğ, belə məşhur sahibi olmayan digər baxımlı Countach modellərinin qiymətini ikiqat üstələyir. Bununla birlikdə, avtomobilin hazırkı sahibi onu Rosberqdən 920 min avroya satın alıb.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.