Maraqlı

İstiğfar və “Lə iləhə illəllah” kəlməsini demək – ən üstün ibadətdir

28 İyun 2020 23:50
Baxış: 3 409
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Lə iləhə illəllah" - İslam dininin tövhid şüarlarındandır. Bu zikr - möminlərin zikridir. Hədislərə əsasən, hər kim onu deyər - İslamın beş böyük sütunlarından birinə iman gətirmiş olar.

İslam Peyğəmbəri (s) insanları məhz bu zikrlə dinə dəvət edirdi və həmçinin müsəlmanlara buyururdu ki, bu zikri çoxlu deməklə İslamlarını təzələsinlər.

İmam Rzadan (ə) nəql edilən məhşur hədisdə deyilir ki, Allah "Lə iləhə illəllah" Öz möhkəm qalası hesab edir ki, ona daxil olmaq İlahi əzabdan amana səbəb olar.

Hər kimin bu dünyadan köçən zaman son sözü bu zikr olarsa, behiştə daxil olar və cəhənnəm atəşi ona haram olar.

Əbu Həmzə nəql edir: "Eşitmişəm ki, İmam Baqir (ə) buyurur: "Heç bir şeyin savabı bu şəhadəti deməkdən çox deyildir: "Lə iləhə illəllah"".

Yəni, Allahın yeganə olmasına şəhadət verirsən və həqiqətən də heç bir şey Allah Təalaya bərabər deyildir. Heç bir işdə kimsə Ona tay ola bilməz.

Həzrət Peyğəmbər (s) buyurur: "İstiğfar və "Lə iləhə illəllah" kəlməsini demək - ən üstün ibadətdir".

Həzrət Peyğəmbər (s) buyurur: "Hər kim deyər: "Lə iləhə illəllah", onun üçün behiştə qırmızı yaqutdan ağac əkilər. Baldan şirin, qardan ağ və müşkdən ətirlidir".

Bu zikrin fəziləti çox böyükdür, xüsusilə də əgər Rəcəb ayında onu desək, bu fəzilət daha da artacaqdır. Həzrət Peyğəmbər (s) buyurur: "Hər kim Rəcəb ayında "Lə iləhə illəllah" zikrini 1000 dəfə deyərsə, Allah ona min həsənə yazar və behiştdə min şəhər inşa edər".

Allahın rəhmət qapılarının açıq olduğu bu mübarək aylarda tövhidin şüarını demək və onu yenidən etiraf etmək - şübhəsiz ki, ruh və canımıza dərin təsirlər qoyacaqdır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.