Maraqlı

Xəstəliklərdən şəfa verər, bəladan qoruyar – “Həşr” surəsinin bərəkətləri

19 Yanvar 2020 22:50
0 Şərh     Baxış: 1 245
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qurani-Kərimin 59-cu surəsi olan "Həşr" surəsi Mədinədə nazil olmuşdur. 24 ayəsi vardır.

Həzrət Peyğəmbər (s) buyurur: "Hər kim "Həşr" surəsini oxuyar - behişt və cəhənnəm, ərş və kürsü, yeddiqatlı səma, yeddiqatlı yer, hava, külək, quşlar, ağaclar, dağlar, Günəş və Ay, mələklərin hamısı ona salavat göndərər, onun üçün bağışlanma istəyərlər. Əgər bu surəni oxuduğu gecədə vəfat edərsə, şəhid hesab olunar".

Bu surənin bərəkətləri:

1. Xəstəliklərin şəfasıdır. Həzrət Peyğəmbər (s) buyurur: "Həşr surəsinin son üç ayəsini oxuyan zaman əlini başına qoyun və ayələri qiraət edin ki, bu, Cəbrayilin Allah tərəfindən olan tövsiyəsidir. Bu əməl bütün xəstəliklərin şəfasıdır - ölümdən başqa".

2. Bəladan amanda saxlayar. Həzrət Peyğəmbər (s) buyurur: "Hər kim "Həşr" surəsini cümə gecəsində oxuyarsa, səhərə qədər müxtəlif bəlalardan amanda olar".

3. Hafizəni gücləndirər. İmam Sadiq (ə) buyurur: "Hər kim "Həşr" surəsini yazar və pak su ilə yuyar və içərsə - güclü hafizə ona nəsib olar".

4. Günahların bağışlanması. Həzrət Peyğəmbər (s) buyurur: "Hər kim "Həşr" surəsinin son üç ayəsini oxuyarsa, keçmiş və gələcək günahları bağışlanar".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.