Maraqlı

“Xiaomi” şirkəti qabaqcıl qurğulara rəqib yeni ucuz smartfonunu təqdim edib

14 Dekabr 2019 07:31
1 Şərh     Baxış: 703
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

"Xiaomi"nin törəmə brendi olan "Redmi" Çində keçirilmiş tədbirdə "Redmi K30" smartfonunu təqdim edib. İstehsalçı bu smartfonu qabaqcıl cihazların rəqibi kimi xarakterizə edib.

Milli.Az ictnews.az-a istinadən bildirir ki, Çin şirkətinin qurğusu "Full HD " təsvir ölçülü, tərəflər nisbəti 20:9 və yenilənmə tezliyi 120 hers təşkil edən 6,67 düymlük IPS ekranla təchiz edilib. Ekranın sağ yuxarı küncündə 20 və 2 meqapiksellik ikiqat ön kameralar quraşdırılıb. Aparatın arxa panelində dörd sensorlu əsas kamera yerləşdirilib. Əsas modulun təsvir ölçüsü 64 meqapiksel, əlavə sensorlarda isə müvafiq olaraq 5, 8 və 2 meqapikseldir.

"Redmi K30" smartfonu "Qualcomm Snapdragon 765G" prosessoru ilə təchiz edilib, beşinci nəsil şəbəkələrini dəstəkləyir. Daxili "Snapdragon X52 5G" modemi dördüncü nəsil şəbəkələrində saniyədə 1,2 qiqabitədək, beşinci nəsildə isə saniyədə 3,7 qiqabitədək yükləmə sürətini təmin edir. "Redmi" şirkəti bəzi bazarlar üçün cihazın yalnız "4G" dəstəkli versiyasını çıxaracaq.

Yeni smartfon standart konfiqurasiyada 6 QB əməli və 64 QB daxili yaddaşa malikdir. İstehsalçı, həmçinin 8 QB əməli yaddaş və 128/256 QB daxili yaddaş təklif edir. Cihaz, həmçinin 30 vatt gücündə sürətli enerji doldurma texnologiyasına malik 5500 milliamper/saat tutumunda akkumulyator, "USB-C" portu, NFC və qulaqlıqlar üçün audio konnektorla təchiz edilib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.