Maraqlı

Snapdragon 865 prosessorlu ilk smartfon test edildi

12 Dekabr 2019 23:50
0 Şərh     Baxış: 811
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Yeni flaqman prosessor modeli olan Snapdragon 865 ilə birlikdə Qualcomm şirkəti bu prosessor vasitəsilə çalışan test məqsədli smartfonu da təqdim etmişdi. Mrwhosetheboss adlı Youtube kanalının müəllifi olan Arun Maini isə həmin smartfonu əldə edərək onu test etməyi bacarıb. Bu barədə 4pda saytı xəbər verib. Qualcomm tərəfindən təqdim edilmiş smartfon satış üçün nəzərdə tutulmayıb və tam yekun dizayna sahib deyil.

Milli.Az technote.az-a istinadən bildirir ki, onun arxa panelində şəbəkə antenlərini görmək olar. Lakin buna baxmayaraq videobloqqer həmin smartfonda olan Snapdragon 865 platformasını test etməyi bacarıb. Test çərçivəsində o, həmin prosessor üçün nəzərdə tutulmuş oyunları oynayıb, yüksək keyfiyyətli videolar çəkib və prosessorun ümumi performansını yoxlayıb. Test nəticələrinin əsas hissəsi aşağıdakı kimidir.

- Əvvəlki prosessorlarda olmayan qrafik effektlərin yeni prosessora inteqrasiya edilməsi

- Google Play vasitəsilə qrafik drayverlərin yenilənməsi

- Saniyədə 120 kadr sürətlə 4K videoların çəkilməsi

- Saniyədə 30 kadr sürətlə 8K videoların çəkilməsi

- Saniyədə 960 kadr sürətlə slow-mo videoların çəkilməsi

- 200 MP keyfiyyətli fotoların yaradılması

- Hər bir rejim üçün mümkün olan maksimal keyfiyyətli foto və videoların eyni anda çəkilməsi

- Video çəkilişi zamanı müxtəlif obyektivlər arasında keçid və hamar zoom özəlliyi

- Dolby Vision dəstəkli videoların çəkilməsi

- Portret rejimində çəkiliş zamanı bir faylda həm arxa fonu bulanıq düşmüş fotonun həm də arxa fonu normal olan fotonun saxlanılması

- Çəkilmiş fotoda hər bir element üçün ayrıca emal olunma özəlliyi ilə fotodakı elementlərin təyin edilməsi. Məsələn saçlara daha dəqiq detalizaisya verilir, dəri daha hamar görünür, qaranlıq hissələrdə isə səs-küy aradan qaldırılır

- İnternet bağlantısı olmadan istifadəçinin demiş olduğu hansısa cümlənin digər dilə tərcümə edilməsi

- Məlumatların 5G şəbəkəsi vasitəsilə saniyədə 7.5 Gbit sürətlə ötürülməsi

- Ən yüksək 4G LTE sürəti.

Qeyd etmək lazımdır ki, Snapdragon 865 prosessoruna sahib ilk smartfonlar 2020-ci ilin əvvəlində satışa çıxacaqlar. Yuxarıda qeyd edilmiş bütün özəlliklərin bütün smartfonlarda aktiv olub-olmayacağı barəsində bir məlumat yoxdur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.