Maraqlı

Hansı qidalar baş ağrısını kəsir?

7 Dekabr 2019 21:15
0 Şərh     Baxış: 1 006
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fəsil, hava dəyişməsindən, yuxusuzluqdan başınız ağrıyırsa, ağrıdan dərmanla deyil, bəzi məhsullarla da qurtula bilərsiniz.

Milli.Az e-tibb.az-a istinadən bildirir ki, bunu nevroloq, uzman həkim Nərgiz Ağayeva bildirib.

Onun sözlərinə görə, ağrıkəsici və dərmanların təsir etmədiyi anlarda bəzi qidaların başağrısına müsbət təsir etdiyini qidalanma mütəxəssisləri də qeyd edirlər.

"Ağrıkəsici" məhsullar hansılardır?

Potasiumla zəngin olan kartof bu məhsullardan biridir. Sobada bişən kartof bədəndəki maye səviyyəsini nizamlayır.

Bədəndə su itkisi baş ağrısının ən vacib səbəblərindən biridir. Başağrısı olan vaxtlarda, sulu meyvələrə üstünlük vermək daha doğru olar.

Aşırı spirtli içki içildikdən sonra, damarlar genişlənir və bu səbəbdən baş ağrısı arta bilər. Bu zaman qəhvə içmək olar, kofein damarları daraldaraq, başağrısını aradan qaldırır. Bəzən karbohidrat azlığı da baş ağrısına səbəb ola bilər. Taxıllı çörək bədəndəki su itkisini nizamlayıb, baş ağrısnı önləyə bilər.

Badamın tərkibindəki maqnezuim damarları rahatladır və miqrenin, baş ağrısının qarşısını alır. Kalsium ilə zəngin yağsız qatıq baş ağrısına yaxşı təsir edir.

Küncüt, xüsusilə də qadınlar üçün çox vacib bir məhsuldur. Tərkibində E vitamini olduğu üçün qadınların xüsusi günlərində olan başağrısına yaxşı təsir edir.

Qırmızı bibər və ona oxşar ədviyyatlı souslar baş ağrısının təsirini digər məhsullarla nisbətdə daha tez azaldır. Xüsusilə sinuslarında problem olanlar ədviyyatlı yeməklər yeməklə bu ağrının qarşısını ala bilər.

Qan təzyiqini aşağı salan ispanaq, başağrısına da müsbət təsir edir. Hətta qan təzyiqi yüksək olanlara, ispanaq yarpaqlarından salat düzəldib yemək məsləhət görülür.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.