Maraqlı

Las-Veqas altında sürücüsüz avtomobillər üçün sürətli tunelin inşasına başlanılıb

21 Noyabr 2019 07:31
0 Şərh     Baxış: 674
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

ABŞ sahibkarı İlon Maska məxsus "The Boring Company" şirkəti Las-Veqas altında 1,6 km uzunluğunda sürətli avtomobil tunelinin tikintisi üzrə qazma işlərinə başlayıb. Bu barədə "NBC" televiziya şirkətinin məlumatında deyilir.

Milli.Az ictnews.az-a istinadən bildirir ki, "Loop" adlı yeraltı magistral "Las Vegas Convention Center" konfrans mərkəzinin bir neçə korpusunu birləşdirəcək. Sərnişinlərin daşınmasını on iki metr dərinlikdə iki birtərəfli tunel vasitəsilə 16 nəfər tutumlu sürücüsüz nəqliyyat vasitələri həyata keçirəcək. Digər tunellə isə piyadalar hərəkət edəcək.

Las-Veqas konfrans və Turizm İşləri İdarəsinin rəhbəri Stiv Hillin sözlərinə görə, fantastik görünən ideya 1 il ərzində reallaşmağa başlayıb. Gələcəkdə tunellər sisteminin genişləndiriləcəyi gözlənilir.

"The Boring Company" tərəfindən yaradılan 3,2 km uzunluğunda ilk sürətli nəqliyyat tuneli 2018-ci ilin dekabrında Los-Ancelesdə açılıb. O, İ.Maskın digər şirkətinə (SpaceX) məxsus parkinq üçün istifadə olunan ərazini və "The Boring Company" şirkətinin mənzil-qərargahının yerləşdiyi 120-ci küçəni birləşdirib.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.