Smartfonların işini ağırlaşdıran səbəblər bəlli olub.
Milli.Az xəbər verir ki, mütəxəssislər "Avast Cleanup" proqram təminatının 45 ölkədən olan 6 milyon istifadəçisinin anonim məlumatları əsasında mobil qurğuların işini çətinləşdirən səbəbləri müəyyənləşdiriblər.
Məlum olub ki, smartfonların fəaliyyətinə daha çox keyfiyyətsiz fotolar mane olur, hansı ki, yaddaşın 20%-ni tuturlar.
İstifadəçilər öz qurğularında orta hesabla 952 foto saxlayır, onun da 22%-nin keyfiyyəti aşağı olur. "WhatsApp"da isə istifadəçilər təxminən 292 şəkil saxlayırlar.
Tədqiqat sayəsində o da məlum olub ki, 18-24 yaşlılar smartfonlarında daha az foto saxlayır. Çünki "selfi nəsli"ndən olanlar şəkilləri əsasən sosial hesablarında saxlayırlar.
Telefonlarında daha çox foto saxlayanlar isə 25-44 yaşlılardır. Burada xüsusilə qadınlar üstünlük təşkil edirlər. Onlar kişilərə nisbətdə 24% daha çox şəkil çəkir. Qadınların smartfonlarında orta hesabla 1053 foto olur, göstərici kişilərdə 851-dir.
"Avast Cleanup"ın MDB ölkələri və Rusiya üzrə rəhbəri Aleksey Fyodorov smartfonların işini sürətləndirmək üçün onlara daim lazımsız fotoları silməyi tövsiyə edir. (publika.az)
Milli.Az