Maraqlı

“iPhone” smartfonlarının 50%-i “iOS 13” sisteminin idarəetməsi altında işləyir

19 Oktyabr 2019 08:55

0 Şərh Baxış: 582

#TEXNOLOGİYA

"iOS 13" əməliyyat sisteminin təqdim edilməsindən bir ay sonra bu platforma "Apple" smartfonlarının 50%-nə quraşdırılıb.

Milli.Az ictnews.az-a istinadən bildirir ki, hazırda "iPhone" smartfonlarının 41%-i "iOS 12", 9%-i isə köhnə əməliyyat sistemlərinin idarəetməsi altında işləyir. Statistikaya görə, son ildə təqdim edilmiş "iPhone" smartfonlarının 55%-nə "iOS 13" sistemi quraşdırılıb.

"iOS 13" versiyası 19 sentyabr 2019-cu il tarixindən yükləmə üçün əlçatandır. "Apple" şirkəti iddia edir ki, yeni əməliyyat sisteminin yenilənməsi 60% daha az yer tutur və proqramların yüklənməsinə 50% daha az vaxt tələb olunur. Həmçinin "Face ID" sifət tanıma sisteminin işləmə sürəti 30% artıb.

"iOS 13" sistemində əsas yeniliklərdən biri qara rəng sxemi olub. Bu rejim aşağı işıqlandırma vaxtı məzmuna baxış üçün əlverişlidir. Kənar proqramçılar öz proqramlarına qara rejimi əlavə edə bilərlər.

Milli.Az