Maraqlı

Bakıda lazer epilyasiyasında qızın gözünü zədələdilər – Kor olacaqdı – FOTO

10 Sentyabr 2019 23:25
8 Şərh     Baxış: 2 925

Bakıda Fidan Məmmədova adlı gənc qızın başına ağlagəlməz bir hadisə gəlib. Belə ki, lazer epilyasiyası proseduru zamanı qızın gözü zədələnərək yanıq almış və nəticədə görməsi zəifləyərək təcili əməliyyata alınıb.

Milli.Az medicina.az-a istinadən pasiyentin şikayətini təqdim edir.

"Avqustun əvvəli Kerpo Laser Bar adlı məşhur mərkəzdə epilyasiya zamanı əməkdaş qadının ehtiyatsızlığı üzündən gözümə lazer sıçradı. Bundan sonra mən eynək istədim. Qadın "oy, gərək eynəyi əvvəldən verərdim" dedi. Lazer şüasının zərbəsindən gözümdə ağ, parlayan ləkə yarandı. Qadın dedi ki, narahat olma, keçəcək. Lakin hiss etdim ki, qorxudan üz mimikası dəyişdi.

Ondan sonra 2 gün keçsə də o ləkə azalmırdı və görməmə mane olurdu. Məcbur olub oftalmoloqa getdim və mənə şüa yanığı və ödem diaqnozu qoyuldu. Həkim dedi, bəxtin gətirib, şüa gözün düz mərkəzinə düşməyib.

Göz damcısı yazıldı, lakin 3 gün sonra gözümün içində şəffaf, bulanıq dairə əmələ gəldi. 10 gün gözlədim, getdikcə görməm zəiflədi.
Bir səhər oyananda isə gördüm gözümün önündə hər şey sanki axır. Ətrafdakı əşyaları olduğu kimi görmürdüm, hər şey sanki sıxılmış idi.
Mən qorxumdan tez Dünyagöz klinikasına qəbula getdim. Klinikada göz tomoqrafiyası çəkildi, analizlər verildi və həkimlər bildirdilər ki, vəziyyət pisdir, təcili əməliyyat olunmalısan. Çünki görməm 14% ə enmişdi".

Əməliyyat olunan Fidana həkimlər dəqiq zəmanət də verməmişdilər. Hər şey tədricən məlum olacaqdı.

F. Məmmədova statusunda ailəsi ilə birgə keçirdiyi dəhşətli hissləri paylaşaraq, xanımları ehtiyatlı olmağa çağırır.
 

Gözünün zədələnməsini bilən kimi ilk həkim müayinəsindən sonra H. Aslanovda yerləşən Kerpo filialına gedərək, məsul şəxslərinə hər şeyi danışıb. Onlar isə 100 manat verib, yazılmış dərmanların xərcini ödəməklə işlərini bitmiş hesab ediblər.

"Amma mən hardan biləydim ki, gözüm bu dərəcədə pisləşəcək və əməliyyat olunacam. Əməliyyat da ucuz deyildi. Mən xəstəxanada olanda ailə üzvlərim yenə Kerpo laserə gedərək, əməliyyat kağızı, sənədlərin hamısını təqdim edib, müəyyən qədər kompensasiya ödənilməsini xahiş etdilər. Bu onların səhvi ucbatından baş vermişdi və bizim səs küy qaldırıb, məhkəməyə vermək fikrimiz də yox idi.

Bu dəfə isə onlar nəinki kömək etmək, heç bizi dinləmək istəmədilər, əksinə guya məni günahkar çıxararaq, əvvəlcə eynəkdən imtina etdiyimi bildirdilər. Beləcə, bu mərkəz kor olmaq təhlükəsi ilə üz-üzə qoyduğu müştərisinin statusunun altında yalan rəylər yazaraq, məsələni ayrı istiqamətə çəkdilər".

Kerpo Laser Fidan Məmmədovanın şikayətinin əsassız olduğunu, ona müalicə üçün pul verdiyini, indi də onlardan yenə şantaj yolu ilə pul istədiyini rəylərdə bildirib.

Lakin KİV-in Kerpo Laser klinikasının rəhbərliyindən bu məsələ barədə rəsmi açıqlama almaq cəhdi hələ ki, alınmayıb. Onlar rəhbərliyin ölkədə olmadığını, hadisənin belə baş vermədiyini, faktların əsassız olduğunu bildirməklə kifayətləniblər.

Fidan Məmmədova isə hələ də bir lazer prosedurdan sonra zərbə alıb əməliyyat olunan gözünün müalicəsi ilə məşğuldur və bu müddətdə o, bir çox işlərindən uzaqlaşıb.

Milli.Az

Məqaləyə dair fotomateriallar:

loading...

Şərh yaz:

8 Şərh:

  • Anonim
    Esra Ibrahimli(Samaxi) · 10 Sentyabr 23:4983

    Yaziq qizzz yarimcan oldu/Zeifleyen g[zw evvelki veziyyetine getire bilmirler yalniz 85 % edirler /100 % etmirler/Bu lazer heyatuva baha basa geldi heyifff

    Cavab yaz
  • Anonim
    Leyla · 11 Sentyabr 02:3150

    Ncnc yaziq qiz yaxsi ki, allah saxliyib bebeyine dusmeyib.

    Cavab yaz
  • Anonim
    Kimse · 11 Sentyabr 04:1480

    Bilirsiz neye gore bele olur man ozum sahidiyem bunun bizde lazeri 1 gune oyrenirlar gel dayan yanimda oyrenersen az orda hec ne yoxdur .. Xarice de ise bunu hekimlar edir....

    Cavab yaz
  • Anonim
    Salam · 11 Sentyabr 11:3050

    Yenede bu savadsiz hekimker ...

    Cavab yaz
  • Anonim
    Xeyale · 11 Sentyabr 11:3140

    Yaziq qiz. .sehiyye nazirliyi bunu gorur?

    Cavab yaz
  • Anonim
    Ad · 11 Sentyabr 11:3240

    Qalmishiq bisavadlarin elinde...

    Cavab yaz
  • Anonim
    Eseniya · 11 Sentyabr 16:0830

    Ayib olsun onlara Allah komek etsin sene xanim

    Cavab yaz
  • Anonim
    Mila · 12 Sentyabr 07:2730

    Dosdlar salam sabahiniz xeyir men hemse lazer epilasiyasinan qorxmusam hec vaxd lazere gedmemisem gedmeremde indi de oxudum lap qorxdum hele bu yaxinlarda refiqem mene deyirdi gef lazere hayif deyil lipicqa vallah ela di lipicqa 19 dir isdifade edirem tuklerimde azalma zeyifleme hiss edirem reklam edmirem duzunu deyirem

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.