Maraqlı

Nicat qapılarını “Bismillah” deyərək açaq

13 Avqust 2019 23:40
0 Şərh     Baxış: 913

Bismilləhir-Rahmənir-Rahim" kəlməsini hər işin əvvəlində demək - dinimizin böyükləri tərəfindən həmişə vurgulanmışdır. Bu gözəl sünnət müsəlmanların hər bir işdə Allahı şahid və nazir tutmaqlarının xüsusiyyətlərindəndir.

Hədislərə görə bu gözəl kəlmə haqqında daha çox məlumata malik olaq.

Peyğəmbəri-Əkrəm (s) buyurur: "O zaman ki, bəndə yatan zaman "Bismilləhir-Rahmənir-Rahim" deyər, Allah mələklərə deyər: "Səhərə qədər nəfəslərinin sayı qədər ona həsənə yazın".

Milli.Az deyerler.org-a istinadən bildirir ki, yenə Peyğəmbəri-Əkrəm (s) buyurur: "Ey bəndə! Dəstəmazın əvvəllində "Bismilləhir-Rahmənir-Rahim" de, bütün üzvlərin günahdan pak olsun".

Peyğəmbəri Əkrəm (s) buyurur: "Hər kim ki, istəyər Allah onu 19 əzab mələklərindən xilas etsin, "Bismilləhir-Rahmənir-Rahim"i qiraət etsin. Çünki bu kəlmə də 19 hərfdən ibarətdir. Allah hər bir hərfi bir (əzab) mələyinin qarşında qalxana çevirər".

İmam Museyi-Kazımdan (ə) soruşurlar: "Allah Kitabının hansı ayəsi üstün və böyükdür?" Buyurur: "Bismilləhir Rahmənir Rahim!".

İmam Cəfər Sadiq (ə) buyurur: "Günahın qapılarını Allaha pənah aparmaqla bağlayın və itaət qapılarını "Bismilləhir-Rahmənir-Rahim" deməklə açın".

Başqa yerdə İmam Sadiq (ə) belə buyurur: "Sizlərdən hər kim dəstəmaz alanda "Bismilləhir-Rahmənir-Rahim" deməzsə, şeytan orda şərik olar. Əgər yemək yeyərkən, su içərkən, paltar geyinərkən və hər bir işdə ki, Allahın adını söyləməlidir, deməzsə, şeytan onlarda da şərik olar".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.