Maraqlı

18-19-cu əsrlərdə qadınlar dənizdə necə üzürdülər? - MARAQLI FOTO

2 Sentyabr 2019 07:41
2 Şərh     Baxış: 2 303
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bir neçə əsr əvvəl qadınların dənizdə necə üzdüyünü bilirsinizmi?

Təəccüblüdür ki, 18-19-cu əsrlərdə qadınlar çimərlik paltarını geyinib, çimərlikdə günəşlənə bilməzdilər. O dövrdə çox qəribə bir dənizkənarı etiket var idi, bunlara istisnasız olaraq bütün qadınlar tərəfindən riayət edilməli idi. 

Əgər dənizdə qadın çimərlik geyimində olsaydı bu, ləyaqətsizlik, utanmazlıq hesab olunurdu. Buna görə də o zamanlar qadınların dənizdə rahat çimməyi üçün xüsusi maşınlardan istifadə edilirdi. 

Milli.Az ölkə.az-a istinadən bildirir ki, qadınlara təvazökarlıqlarını və ləyaqətlərini qorumaq üçün, "Çimmək üçün maşın" adlı sadə bir ixtira yaradıldı. 

Çimərlik maşını soyunub-geyinmə kabinəsinə bənzəyirdi, lakin o daha böyük və təkərlərlə təchiz olunmuşdu. 

Qadınlar bu kabinəyə girib, bu günün standartlarına nisbətən daha qapalı olan çimərlik geyimini geyinirdi. Çimərlik maşını bir atın köməyi ilə birbaşa dənizə girirdi.

Avtomobil suda olandan qapısı açılırdı. Qadınlar hər kəsin gözündən uzaqda, rahatlıqla dənizdə üzə bilirdilər.

Üzən qadınları hər zaman fiziki güclü qadınlar müşayiət edirdi. Bu qadınların vəzifələri üzən xanımlara maşınından çıxmaqda kömək etmək idi. 

Üzməyi bacarmayan xanımların belinə möhkəm ip bağlanırdı. Digər ucu avtomobilə bərkidilərək, onların rahat üzmələrinə şərait yaradılırdı. 

Bu avtomobillər ilk dəfə İngiltərədə yaradılmışdı. Təxmini 1750-ci ildən isə ABŞ, Fransa və Almaniyada da populyarlıq qazanmağa başladı.

İllər keçdikcə bu maşınların sayı azalmağa başladı. 1920-ci illərdən sonra bu təcrübə tamamilə yox oldu. Onilliklər ərzində moda tarixi dəyişdi və qadınlar daha sərbəst şəkildə dənizdə dincəlməyə başladı.

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.