Maraqlı

Əzrayil Həzrət Musanın canını necə aldı?

13 İyul 2019 23:50
2 Şərh     Baxış: 2 085

Bir gün Əzrayil (ə) Həzrət Musanın (ə) yanına gəlir.

Musa (ə) soruşur: "Ziyarətim üçün gəlmisən, yoxsa ruhumu qəbz etmək üçün?".

Əzrayil (ə) deyir: "Ruhunu qəbz etmək üçün".

Musa (ə): "Mənə bir saat möhlət ver, övladlarımla xudahafizləşim".

Əzrayil (ə): "Möhlət yoxdur".

Musa (ə) səcdəyə düşür və Allaha yalvarır ki, ona övladları ilə xudahafizləşmək üçün möhlət versin.

Allah Təala Əzrayilə (ə) xitab edir: "Musaya (ə) möhlət ver!". (Tebyan)

Əzrayil (ə) də möhlət verir və Musa (ə) anasının yanına gəlir və deyir: "Qarşıda səfərim vardır". Anası deyir: "Nə səfərdir?". Musa: "Axirət səfəridir".

Anası bu sözlərdən ağlayır.

Musa (ə) həyat yoldaşının yanına gəlir və uşaqlarını onun yanında görür. Onlarla xudaрфfizləşir. Uşaqları atasının ətəyindən yapışıb, ağlayırlar və Musanın (ə) qəlbi də yanır, o da ağlayır.

Allah Musaya (ə) vəhy edir: "Ey Musa! Sən bizim dərgahımıza gəlirsən! Bu ağlamağın nə üçündür?".

Musa (ə): "Ürəyim uşaqlarımın halına yanır".

Allah: "Ey Musa! Onlardan ürəyini qopart. Mən onların qayğısına qalacağam və onları məhəbbət qucağımda böyüdəcəyəm".

Musanın (ə) qəlbi sakitləşir və Əzrayilə (ə) deyir: "Canımı hansı üzvümdən alacaqsan?".

Əzrayil (ə): "Ağzından".

Musa (ə): "Vasitəsiz olaraq Allahı zikr etdiyim ağzımdan canımı alacaqsan?".

Əzrayil (ə): "Əlindən".

Musa (ə): "Tövratı tutduğum əlimdən?".

Əzrayil (ə): "Ayağından".

Musa (ə): "Allaha münacat üçün Tur dağına getdiyim ayaqlarımdan?".

Əzrayil (ə) Musaya (ə) gözəl ətirli bir narıngi verir və Musa (ə) onu iyləyib can verir. Mələklər Musaya (ə) deyirlər: "Ey o kəs ki, peyğəmbərlər arasında ən rahat can vermişdir! Ölümü necə gördün?".

Musa (ə) deyir: "Ölümü, qoyunun diri-diri dərisini soyan kimi gördüm".

Milli.Az

loading...

Şərh yaz:

2 Şərh:

  • Anonim
    günahkar bəndə · 15 İyul 12:4730

    ALLAHİM SƏNƏ YALAVARARAQ ZARİYARAQ QORXARAQ DUA EDİRƏM BİZ MÜSƏLMANLARİ BU DÜNYADAN Bİ NAMAZ KÖÇÜRMƏ ƏZİZLƏRİMİZİ BAQİŞLA ÖLÜMÜMÜZÜ RAHAT ELƏ PEYQƏNBƏR(s) VƏ PAK ƏHLİ BEYTİNDƏN KƏNAR SALMA ONLARLA BİZİ MƏHŞUR ET AMİN

    Cavab yaz
    • Anonim
      ENV · 16 İyul 20:5500

      AMIN AMIN CUMLEMIZNEN

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.