Mərhum reper Tupakın müğənni Madonnaya yazdığı məktub hərraca çıxarılıb.
Milli.Az qafqazinfo-ya istinadən xəbər verir ki, bu barədə "RİA Novosti" "Gotta Have Rock and Roll" internet-auksionuna istinadən xəbər verib.
Məktub 100 min ABŞ dollarına satılır. Qeyd edilir ki, Tupak həmin məktubu Madonnaya 1995-ci il yanvarın 15-də həbsxanadan yazıb.
Reperin məktubu üç səhifədən ibarətdir. O, yazdıqlarını "Həmişəlik, 2PAC, Tupak Şakur" adlandırıb.
"Rasizmin fəsadları qaradərili kişinin ağ qadına olan bağlılığını lazımi şəkildə göstərməyə çətinlik yaradır", - Tupakın məktubunda qeyd edilib.
Qeyd edək ki, T. Şakur 1996-cı il sentyabrın 13-də ABŞ-ın Las-Veqas şəhərində dünyasını dəyişib.
Milli.Az