Maraqlı

Kraliça II Elizabet səlahiyyətlərini şahzadə Çarlza təhvil verə bilər

10 İyul 2019 21:11
1 Şərh     Baxış: 1 338
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Böyük Britaniya və Şimali İrlandiyanın Kraliçası II Elizabet səlahiyyətlərini vəliəhd şahzadə Çarlza təhvil verə bilər. O, bu addımı ölkənin 1937-ci ildə regentlik haqqında qəbul edilmiş qanununa əsasən atacaq. Qanunda nəzərdə tutulur ki, monarx öz səlahiyyətlərini yerinə yetirə bilmədiyi təqdirdə onları vəliəhd şahzadəyə təhvil verir.

Milli.Az AZƏRTAC-a istinadən bildirir ki, bu məlumatı İngiltərənin Daily Star qəzeti yayıb. Bukingem sarayındakı mənbə qəzetə bildirib ki, artıq kraliça bu addımı atmağa hazırlaşır. Saray üzrə ekspert Fil Dampir qeyd edib ki, səlahiyyətlərin ötürülməsi iki il davam edə bilər. O əlavə edib: "II Elizabet kraliça olaraq qalacaq, lakin səlahiyyətlərin əksəriyyətini şahzadə Çarlz yerinə yetirəcək".

Britaniya mətbuatı xatırladır ki, artıq indidən 70 yaşlı şahzadə dövlət tədbirlərində monarx kimi iştirak edir.

Kraliça II Elizabet1926-cı il aprelin 21-də anadan olub. O, 1952-ci ildə atası Kral VI Georqun vəfatından sonra 25 yaşında taxta çıxıb. II Elizabet

Britaniya tarixində ən uzunömürlü və ən çox taxtda qalan monarxdır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.