Maraqlı

Boşanan qadınlardan DƏHŞƏTLİ ETİRAFLAR: Seksual tələbat çətin…

22 İyun 2019 19:40
6 Şərh     Baxış: 67 920

Azərbaycanda son 5 il ərzində nikaha daxil olanların sayı azalıb, boşananların sayı isə artıb. Belə ki, 2018-ci ildə Azərbaycanda 62 484 nəfər nikaha daxil olub ki, bu da son 5 ilin ən aşağı göstəricisidir.

Mövzu ilə bağlı bu dəfə deputatlara, QHT rəhbərlərinə və ya Ailə, Qadın və Uşaq Problemləri üzrə Dövlət Komitəsinə müraciət etməmişik. Bu dəfə boşanmış xanımlar öz real hekayələrini danışıblar.

İlhamə Həsənli:

"Ayrılmağımdan heç vaxt peşman olmamışam, həmişə də deyirəm ki, yenə olsaydı, yenə də ayrılardım. Bunu da deyim ki, zaman çərçivəsində hər ailədə çətinliklər olur və onu geridə qoyana qədər kaş ki, boşanmazdım, belə olmazdı deyə bilirsən. Bu hislər keçdikdə isə boşandığına şükür edirsən.

Həmçinin boşanmaq çıxış yolu deyil və kiçik problemlər varsa, bunu həll etmək olar. Məndə isə vəziyyət başqa idi, ya ayrılmalı, ya da ki, ömür boyu xəstə olmağa razı olacaqdım. Ona görə də seçimim boşanmaq oldu".

Nigar Rzayeva:

"Artıq 2 ildir ki, boşanmışam. İnsanlardan qorxuram, utanıram və mənlə münasibət qurmaq istəyənlərlə də tanış ola bilmirəm. Özümlə isə bacarmıram, elə bilirəm ki, boşandıqdan sonra hamı mənlə pis davranacaq".

Ülviyyə Qafarova:

"Mənim evliliyim cəmi 5 ay davam edib. Ayrılmağımıza səbəb baldızım olub. Evdə mən hamı üçün özümü artıq hiss edirdim. Yoldaşım nə qədər dedi ki, sus, yola ver, amma mən bacarmadım və atam evinə gəldim. Elə bilirdim ki, yoldaşım bununla problemlərin qarşısını alacaq, ancaq heç nə dəyişmədi. Sonradan eşitdim ki, bacısı ona boşanmaq əmrini verib və beləcə, bizim əlaqələrimiz tamamilə qopdu".

İlahə Verdiyeva:

"Bu il ayrılmağımın 4 ili olacaq və peşman deyiləm. Bir oğlum var, ancaq tək ad olsun deyə, yanımda həyat yoldaşının olmasına görə yaşaya bilməzdim. Əlbəttə ki, heç kim boşanmaq istəməz, amma bəzən alınmır və çarə ancaq boşanmaqda qalır".

Günel Qafarova:

"Bir il ərzində ailəli olduq. Uşağımız olmadığı üçün qaynanam, qaynatamla birlikdə bizi boşatdırdılar. İndi isə hamı problemin məndə olduğunu düşünür, bəzən də uşağın olsaydı, boşanmazdın deyirlər".

Sevinc Tanrıverdiyeva:

"Evlilikdə hörmətsizliyi, döyülməyə, söyülməyə, ailəyə baxmamağa göz yummaq olmaz. 4 ildir ki, boşanmışam, heç bircə dəfə belə peşman olmamışam. Şükür balamı da, qışqırıqsız, döyülüb söyülməkdən uzaq bir ailədə böyüdürəm".

Gültac İsayeva:

"Mən sevərək ailə qurmuşdum. 1 il rəsmi nikahlı qalsaq da, 5 ayın gəlini oldum. Bacısı ailəmi dağıtdı. Onlar gəlin yox, kölə istəyirdilər. Buna dözmədim və indi peşman deyiləm".

Nərmin Qasımzadə:

"Mənim sevdiyim var idi və həyat yoldaşıma xəyanət etməmək üçün boşandım. Əvvəllər də elə onu sevirdim, amma çox problemlər yaşamışdıq. Ayrıldıqdan sonra sevdiyimlə evləndim, indi isə uşaq gözləyirik və onunla xoşbəxtəm".

Günel Əlizadə:

"Sevdiyimlə 5 il sevgili qaldıq və evləndik. Sadəcə, evlilikdən sonra hər şey dəyişdi. Onu hazırda insan, dost kimi çox istəyirəm, ancaq evli kimi davam edə bilməzdik. Ayrılmaq bizim üçün çətin olsa da, bunu etdik və birgə qərar verdik. İndi isə oğlumuz vasitəsilə görüşür, danışırıq. Heç birimiz isə evlənməmişik. Hələ də çoxlarına təəccüblü gəlir ki, biz necə ayrıldıq. Çünki aramızda yalan, xəyanət olmamışdı. Sadəcə, evlilik və kiçik problemlər bizi yordu".

Xatirə İsmayılova:

"8 ildir ki, ayrılmışam və heç vaxt peşman olmamışam. Ondan sonra başqa biri ilə ailə qurdum və çox xoşbəxtəm. Hazırda azərbaycanlı qadınlar boşanmaqdan qorxur və dözür. İnsan xoşbəxtliyini düşünərək addım atmalıdır".

Son olaraq  məsələyə münasibət bildirən psixoloq Rəna Mahmudova boşanmaq ərəfəsində olan xanımlara məsləhətlər verdi:

"Boşanarkən həmişə tərəzinin bir gözünə qazancınızı, o birinə isə itkinizi qoyun və müəyyənləşdirin ki, boşanma sonrası nə qazanıb, nə itirəcəksiniz. O cümlədən - maddi, mənəvi, seksual, qalacaq yer ehtiyaclarını və s. düşünün. Seksual tələbat çətin deyil, onu tapmaq asandır, amma əksinə, bunda da yanılmaq mümkündür. Məsələn, avara, narkoman, kriminal biri ilə də rastlaşa bilərsən. Bəs yerdə qalan tələbatlar? Əsas olan o birilərdir. Onları həll edə bilməyəcəksinizsə boşanmağa tələsməyin".

Milli.Az lent.az-a istinadən bildirir ki, psixoloq əlavə etdi ki, boşandıqdan sonra mütləq qadınlar özlərini dolandıraraq, kiməsə möhtac olmamalıdırlar:

"Bundan başqa əgər ər evində daim əsəbiniz korlanırsa, ətrafınızdakı məsləhətçilərinizi dəyişə bilərsiniz. Bəlkə də ananız, bacınız, xalaqızınız onu sizin gözünüzdən salır, bəlkə də başqaları sizə ərinizi, baş verənləri fərqli təqdim edəcək. Hadisələrə başqa cür yanaşanda, baxanda bəzən problem daha asan həll olunur, əsəbilik itir.

Yox əgər heç biri mümkün deyil, heç bir tələbatınız təmin olunmursa, əksinə o sizin hesabınıza öz tələbatlarını ödəyir və ya ümumiyyətlə siz ancaq itirirsinizsə, bu ailə həyatından arxaya baxmadan getmək lazımdır. Çünki ailə qazanc (maddi, mənəvi, seksual və s.) əldə etmək üçündür. Yox əgər bu ailəlikdən siz heç nə qazanmırsınızsa, ondansa subay olmaq ondan yaxşıdır. Çünki bu zaman heç olmasa, əl-ayağına dolaşıb, yaşamağına mane olan şəxs olmur".

Qeyd edək ki, yazıda hekayələrini danışan xanımların adları şərtidir.

Həmçinin bu mövzu ilə bağlı növbəti yazımızda kişilər öz boşanma hekayələrini, səbəbləri danışacaqlar.

Milli.Az

loading...

Şərh yaz:

6 Şərh:

  • Anonim
    Leyla · 22 İyun 20:1424

    Bosanmaga yanan kisilerdi eksine qadinlar bosanmax istiyir kisiler bosanmax istemir arvadi tez picaxliyif öldürür qadinlarin kefi yerindedi narahat olmuyun kisicikler

    Cavab yaz
  • Anonim
    Elnarə · 22 İyun 20:46110

    Müasir qızlar dözmək, sumaq, yola vermək istəmir. Digər tərəfdən vaxtılə susan və hər şeyi yola verən analar indi qızlarına nədənsə "o kimdir ki, səni söyür (döyür, pul gətirmir və s.)" deyirlər. Çox acınacaqlı vəziyyətdir. Getdikcə boşanmaların sayı yalnız artacaq.

    Cavab yaz
  • Anonim
    Esra Ibrahimli(Samaxi) · 22 İyun 22:5850

    Bir dene Günel Elizade adli xanimi basa dusmedim Şaddiğına şitlik edib ya da şitliyinden şadlıq edib anlamadim 5 il sev sonra evlen sonra da dost kimi ayril mene catmadiii.

    Cavab yaz
  • Anonim
    Elnur · 23 İyun 10:2600

    Men baki erazisinde yasayiram ayleliyem 20 ildir 2 ovladim var bosanan xanimlarin aqibetini Cox yaxsi gorusek azadliq deyil oz meneviyetini pula satirlar yaxinlasmaguva pesman olursan bes bunlara ne haq qazandiraq

    Cavab yaz
    • Anonim
      Şükür · 24 İyun 20:4910

      Ər xanımını,xanım da ərini anlamalıdı. Hər kəsin fikri ilə ailə idarə etmək olmaz. Hər ikisinin müstəqil ,ortaq idarəetmə fikirləri olmalıdı

      Cavab yaz
  • Anonim
    Oooo · 25 İyun 09:3700

    Əgər aileye mudaxile olmazsa mubahisenin munaqisenin sonunda sulh olacaq ve ortaq məxrəcə gelinecek. Sevgi olarsa arada hərşey axarina düşəcək. Doğrudur istisnalar var .meselen xəyanət ve bu xeyaneti bagislaya bilmeyen qürurlu insan cinsden asili olmayaraq. Əksər hallarda qadin terefin qohumlari ana baci xala bibi bilib bilmeden yol gosterirler guya bu da ailenin dagilmasina sebeb olur. Evlənmək varsa bosanmaq da olmalidir . Mütləq bosanma heddine catmisansa bosanmalisan . Eks halda sağlamlığı itirir insan psixoloji sarsintilar ve bu sarsintidan depressiyadan yaranan xestelikler

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.