Allah-Taala Qurani-Kərimin "Bəqərə" surəsinin 187-ci ayəsində buyurur:
أُحِلَّ لَكُمْ لَيْلَةَ الصِّيَامِ الرَّفَثُ إِلَى نِسَآئِكُمْ هُنَّ لِبَاسٌ لَّكُمْ وَأَنتُمْ لِبَاسٌ لَّهُنَّ...
"Oruc gecələri zövcələrinizlə yaxınlıq sizə halal oldu. Onlar sizin, siz isə onların libasısınız..."
Milli.Az maide.az-a istinadən bildirir ki, zövcənin libasa oxşadılmasında bir çox incə nöqtələr var:
-Libas forma, rəng və parça baxımından insana münasib olmalıdır. Zövcə də insanın oxşarı olmalı, onun fikri, əqidəsi, şəxsiyyəti ilə uyğun gəlməlidir.
-Libas zinət və aramlıq səbəbidir. Zövcə və övlad da ailədə aramlığın əsasıdır.
-Libas insanın eybini örtür. Ər də, arvad da bir-birinin eyiblərini, nöqsanlarını örtməlidirlər.
-Libas insanı istidən, soyuqdan qoruyur. Həyat yoldaşı da ailə ocağında istiliyi qoruyub-saxlamalıdır.
-Libassızlıq rüsvayçılıqdır. Subaylıq da azğınlıq və rüsvaylıq səbəbi olur.
-Soyuq havada qalın, isti havada yüngül libasdan istifadə olunur. Ər də, arvad da bir-birinin ruhi ehtiyaclarına münasib əxlaq və rəftarla cavab verməlidirlər. Əgər kişi əsəbidirsə, qadın onunla yumşaq rəftar etməlidir. Əgər qadın xəstədirsə, kişi onunla keçinməlidir.
-İnsan öz libasını çirkabdan qorumalıdır. Həyat yoldaşları da bir-birlərini günaha batmaqdan hifz etməlidirlər. ("Təfsiri-nur", Ustad Möhsin Qəraəti, 1-ci cild, "Bəqərə" surəsi, 187-ci ayənin təfsiri.)
Milli.Az