Maraqlı

Hyundai ikimərtəbəli elektrik avtobusu hazırlayıb

4 İyun 2019 08:01
0 Şərh     Baxış: 812

"Hyundai" şirkətinin mühəndisləri son 18 ayda elektrik sərnişin avtobusu üzərində işləyiblər.
 
Milli.Az ICTnews-a istinadən bildirir ki, "Hyundai" şirkəti atmosferə buraxılan zərərli qazların tullantılarının azalmasında maraqlıdır və bu məqsədlə hazırladığı elektrik sərnişin avtobusu tam doldurulmuş batareya ilə 300 km məsafə qət edə bilir. Nəqliyyat vasitəsi 384 kVt/saat gücündə su soyutma sisteminə malik batareyalarla təchiz edilib. Batareyalar 72 dəqiqə müddətində enerji ilə tamamilə doldurulur.
 
Elektrik avtobusunun uzunluğu təxminən 13 metr, hündürlüyü isə 4 metrdir. Avtobusun salonu 70 sərnişin üçün nəzərdə tutulub, həmçinin əlillər üçün iki yer ayrılıb. Cənubi Koreyanın nəqliyyat istehsalçısı avtobusun sükan idarəetməsinə özünün bir neçə innovativ yeniliyini tətbiq edib: arxa təkərlər sistemi ön oxun sükan idarəetməsi ilə sinxronlaşdırılıb ki, bu da avtobusa döngələrdə yüksək xüsusiyyətlərə malik olmağa imkan verəcək.
 
Hələ ki ikimərtəbəli elektrik avtobuslarının kommersiya istehsalına  başlanılacağı vaxt məlum deyil.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.