Məğrib azanının verilməyə başladığı an məğrib namazının vaxtı girir və namazı qılmaq olar. İftarın vaxtı da məğrib anında başlayır. Yəni məğrib azanının başladığı an iftar etmək də olar.
Milli.Az islam.az-a istinadən bildirir ki, amma bir şərtlə ki, məsciddən səsi gələn azanın vaxtında verildiyinə yəqin olsun. Əgər yəqinlik varsa, o halda azanın ilk sözləri eşidiləndə yemək olar. Əlbəttə, azanın bitməsini gözləmək, azan sözlərinə qulaq asmaq və təkrar etmək daha yaxşıdır. Müqayisə üçün deyək ki, obaşdan vaxtı da sübh azanının ilk sözləri eşidiləndə yemək-içməyi dayandırmaq və oruca başlamaq lazımdır.
Milli.Az