Maraqlı

95 yaşlı əczaçının həyat eşqi: hər gün 50 kilometr yol gedir ki… - FOTO

17 May 2019 23:16
0 Şərh     Baxış: 1 745

95 yaşlı Gülzar Aydın peşəsini sevə-sevə icra edir. O, iş yerinə hər gün  avtomobillə 50 kilometrə yaxın məsafə qət edir.  Səhərdən axşama kimi usanmadan işləyən qadın yorulmaq bilmir.

Milli.Az medicina.az-a istinadən bildirir ki, 1924-cü ildə dünyaya gələn G. Aydın 8 yaşında atasını ürəktutmasından itirir.

Elə o gündən də tibb  üzrə fəaliyyət göstərəcəyinə söz verir. Gənclik dövrlərində isə Kimya elminə maraq göstərib. 1945-ci ildə İstanbul Universiteti Tibb Fakültəsindən məzun olub.  Həmin ildən də tibb üzrə bir çox sahələrdə uğurlar əldə edib.

Kimya üzrə laboratoriyada çalışdığı ərəfədə 1953-cü ildə ilk aptekini açıb. Uzun illərdir eyni bölgədə xalqa xidmət göstərdiyini deyən qadın işini böyük həvəslə icra etdiyni bildirib.
 
Gülzar Aydın açıqlamasında deyib ki, evdə oturmaq ölümü gözləməkdir:
 
"İşdən ayrılmaq fikrim yoxdur. Evdə oturub ölümü gözləyə bilmərəm. Aptek işi pul qazanmaq üçün yer deyil. Burada ancaq şəfa paylamaq lazımdır. O zaman Allah sənin ruzunu yetirəcək, özümü sevdirmişəm. Ailəmdən heç kim qalmayıb. Tənhayam. Əgər indi bu yaşımda başım işləyir, gözlərim görürsə, tanrıya min şükür. Ona görə də niyə insanlara kömək etməyim. Bəzən sırf mənimlə söhbət üçün buraya gələnlər var".
 
95 yaşlı əczaçı xüsusilə gənclərə məsləhətlər verib:
 
"Peşələrini sevsinlər. İşlərinə dörd əllə yapışsınlar. Düzgün işləyənlərin kürəyi yerə gəlməz. Mütləq Allahdan mükafatını alar. Bunu heç vaxt unutmamaq lazımdır. Təbii ki, haqqını maddi şəkildə də alarsan".

Milli.Az

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.