Maraqlı

Almaniyada mülk alan azərbaycanlılar çoxalır

16 Aprel 2019 08:46

1 Şərh Baxış: 2 003

#TEXNOLOGİYA

Almaniyada 2017-ci ildə kommersiya xarakterli daşınmaz əmlaka 57,3 milyard dollar investisuya yatırılıb.

Milli.Az fed.az-a istinadən bildirir ki, xarici ölkə vətəndaşlarının bu investisiyada payı az deyil.

Təkcə 2018-ci ildə xarici ölkə vətəndaşlarının Almaniyada daşınmaz əmlaka yatırdıqları vəsait 25 milyard avronu keçib və 2017-ci illə müqayisədə 45% artıb.

Maraqlıdır ki, keçmiş Sovet respublikalarından, o cümlədən Azərbaycandan əmlak alıcılarının sayı artmaqdadır.

"Bizim Ukraynadan, Qazaxıstandan və Azərbaycandan kifayət qədər çox alıcımız var"-deyə "Tranio" əlan şirkətinin ofis rəhbəri Boris Eliasson deyib.

O, azərbaycanlı müştərilərinin, digər post sovet sakinləri kimi əmlakı ilk növbədə Berlində almağa meyl etdiklərini açıqlayıb. Paralel olaraq, Şərqi Almaniyanın Leypsiq, Maqdeburq, Yena şəhərlərinin də maraq kəsb etdiyini xatırladıb.

Eləcə də bax: Türkiyədə evi necə almaq olar? - ŞƏRTLƏR

Almaniyada ən yüksək əmlak qiymətlərinin Şimali Reyn-Vestfaliya federal torpaqlarında olduğu və bu regiona daha çox Yaxın Şərqdən gələn ərəb zənginlərinin yatırım etdiyi bildirilir.

"Tranio"nun daxili statistikasına görə, keçmiş Sovet ölkələrinin sakinləri orta hesabla Almaniyadakı mülklərinə 455 min avro vəsait xərcləyirlər.

Bu ölkənin daşınmaz əmlakına ən çox yatırım edən ölkə vətəndaşları isə ABŞ, Böyük Britaniya, Fransa və Çin vətəndaşlarıdır.

Milli.Az