Maraqlı

Adi mobil telefonların satışı artacaq

21 Mart 2019 07:51
0 Şərh     Baxış: 1 014

Smartfon bazarından fərqli olaraq "feature phone" sinfinə (bir qayda olaraq düyməli interfeysə və "ağıllı" telefonlarla müqayisədə az sayda funksiyalar dəstinə malik mobil telefonlar) məxsus aparatların tədarük həcmi yüksəlməyə davam edir. "Counterpoint Research" şirkətinin analitikləri hesab edirlər ki, yaxın illərdə yüksəliş saxlanılacaq: 2019-cu ildə dünyada 400 milyondan çox adi mobil telefon satılacaq, 2021-ci ilədək isə bu göstərici 1 milyardı ötməlidir.
 
Milli.Az ICTnews-a istinadən bildirir ki, Hindistan, Yaxın Şərq və Afrika düyməli telefonlar bazarının əsas inkişaf regionları olacaq: 2019-cu ildə "feature phone" sinfinə məxsus qurğuların ümumi satış həcminin 75%-ni bu 3 region təmin edəcək.
 
"Counterpoint" şirkətinin qiymətləndirməsinə görə, 3 il ərzində düyməli aparatların satışından təxminən 16 milyard ABŞ dolları qazanılacaq.
 
"Feature phone" sinfinə məxsus qurğuların satışı üzrə  lider Hindistan hesab edilir, növbəti yerlərdə Banqladeş və Nigeriya qərarlaşıblar.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.