Maraqlı

İmam Cavadın dünyaya gələndə göstərdiyi möcüzə

19 Mart 2019 23:20
0 Şərh     Baxış: 1 327
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İmam Musa Kazımın (ə) qızı Həkimə xanım nəql edir: "İmam Cavadın (ə) dünyaya gəlməsinə az qalmış, İmam Rza (ə) məni, həyat yoldaşını və bir nəfər doğum həkimini birlikdə bizi bir otağa dəvət etdi  və qapını bağladı.

O zaman ki, gecə yarısı oldu, İmam Cavadın (ə) anası Xizranın doğum sancıları başladı. Bir qədər keçməmiş körpə dünyaya gəldi. Nuru bütün otağı əhatə etdi.

Xizrana dedim: "Kərim Allah bu əziz körpənin nuraniliyinə və mübarəkliyinə görə səni çıraq nurundan ehtiyacsız etmişdir".

Körpə dünyaya gəldi və yerə düşdü və əyləşdi. İlahi nur bütün bədənini əhatə etmişdi. Sübh açılan zaman atası İmam Rza (ə) gəldi. Gülümsəyərək, əziz körpəsini qucağına aldı. Sonra onu beşiyinə qoydu. Mənə buyurdu: "Ey Həkimə! Çalış həmişə yanında olasan".

Körpənin dünyaya gəlişinin üçüncü günündə körpə gözlərini səmaya qaldırdı və sonra sağ və sol tərəfə baxdı. Sonra aydın səslə şəhadətləri dedi.

O zaman ki, körpə dili ilə kəlmeyi-şəhadətləri deyirdi, mən çox təəccüb edirdim. Bu halda yerimdən ayağa qalxdım və qardaşımın yanına getdim.

Ona dedim: "Çox qəribə bir mənzərə gördüm".

İmam (ə) soruşdu: "Hansı mənzərəni görmüsən?".

Dedim: "Bu kiçik körpə bu sözləri dedi". Sonra olanları ona danışdım.

İmam (ə) mənim sözlərimi eşidən kimi gülümsədi və buyurdu: "Daha çox qəribə şeyləri müşahidə edəcəksən".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.