Bakının ən qədim məscidi sayılan İçərişəhərdəki Məhəmməd məscidinə niyə "Sınıqqala məscidi" də deyirlər?
Məhəmməd məscidi 1078-79-cu illərdə memar Məhəmməd Əbubəkr oğlu tərəfindən tikilmişdir. "Sınıqqala" adı isə 1723-cü ildə yaranmışdır.
Milli.Az islam.az-a istinadən bildirir ki, Xəzər sahili boyunca işğalçı yürüşlərə çıxmış I Pyotrun artilleriyası həmin ilin iyunun 26-da Bakını atəşə tutanda şəhərin ən qədim məscidinin minarəsi zədələnmişdir. Top mərmisinə qala bürcü kimi dözən minarəyə el arasında "Sınıqqala" adı verilmişdir.
Milli.Az