PUL
.jpg)
.png)
SoftBank və Toyota da daxil olmaqla bir neçə investordan ibarət qrup Uber şirkətinin pilotsuz avtomobillər ilə məşğul olan şöbəsinə 1 milyard dollar investisiya yatırılması üzrə danışıqlar aparır. Bu barədə bir neçə nüfuzlu sayt (Reuters, The New York Times və The Wall Street Journal) xəbər verib. Məlumata əsasən nəticə etibarilə müqavilə bağlanmaya da bilər. Lakin danışıqların uğurlu olacaqları halında müqavilənin bağlanması artıq gələn ay elan oluna bilər. Uber şirkətinin pilotsuz avtomobillər ilə məşğul olan şöbəsinin sözügedən investisiyanı alma şərtləri arasında investorlar üçün bu şöbənin səhmlərinin verilməsi var.
Milli.Az technote.az-a istinadən bildirir ki, lakin buna baxmayaraq pilotsuz avtomobillər şöbəsi üzrə idarəetmə Uber şirkətinə məxsus solacaq. Müqavilə baş tutarsa Uber şirkətinin pilotsuz avtomobillər üzrə şöbəsinin dəyəri 5-10 milyard dollar dəyərində qiymətləndirilə bilər. Əldə olunacaq vəsaitləri isə şirkət pilotsuz avtomobillər şöbəsinin tədqiqatlarına xərcləyəcək. Bundan əlavə olaraq yeni investisiyalar Uber şirkətinin IPO-na diqqətin artmasına da səbəb ola bilər. IPO nəticəsində isə Uber şirkətinin bazar dəyəri 120 milyard dollar təşkil edə bilər. Qeyd etmək lazımdır ki, 2018-ci ilin yanvar ayında SoftBank Uber şirkətinin səhmlərinin 15%-ni alaraq şirkətin ən böyük səhmdarı olmuşdu.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.png)
.jpg)
.jpg)
.jpg)
.png)
