Dünyaca məşhur müğənni Riki Martin Yeni Zelandiyada baş verən terrorla bağlı sosial şəbəkədə paylaşım edib.
Milli.Az big.az-a istinadən xəbər verir ki, müğənninin bu paylaşımı dünya mediasında böyük səs-küyə səbəb olub. O, dünya mediasını qatili terrorçu adlandırmamaqda günahlandırıb:
"Bir adam 40 nəfərdən çox insanı öldürüb, 20 nəfəri yaralayır. Bütün beynəlxalq media isə onu radikal və ya təcavüzkar adlandıraraq, terrorçu deməkdən qaçır. Niyə? Çünki o, müsəlman deyil!"
Xatırladaq ki, ötən gün Yeni Zelandiyada "Ən-Nur" və "Linvud" məscidlərinə hücum nəticəsində 49 nəfər həlak olub, xəstəxanalara onlarla yaralı çatdırılıb.
Milli.Az