Maraqlı

22 milyon il əvvələ aid diş tapıldı: Meymunun insana çevrilməsinin səbəbi anlaşıldı - FOTO

12 Mart 2019 20:54
4 Şərh     Baxış: 1 354

Antropoloqlar yeni tapıntı ilə elm dünyasına növbəti töhfəsini verib. Keniyanın şimal-qərbində nəsli kəsilmiş meymun növünün 22 milyon il əvvələ aid olan diş qalıqları tapılıb.

Tapıntı insanlar da daxil olmaqla primatların təkamül tarixindəki boşluğu doldurmaq baxımından çox əhəmiyyətlidir. İndi alimlər müasir insan və meymunların diş şəklinin necə formalaşmasını rahat araşdırıb öyrənə biləcəklər.

Milli.Az Bizimyol.info-ya istinadən xəbər verir ki, qazıntılar Afrikadakı Qərbi Turqan regionunda aparılıb. 19-25 milyon il əvvəl bu yerlərdə başqa heyvanlarla birlikdə meymunların da yaşadığı meşələr olub. Tədqiqatçılar sürünənlərin və məməlilərin, xüsusilə fillərin xeyli daşlaşmış qalıqlarını tapıblar.

Dişlərin bir çox primitiv xüsusiyyətləri var ki, məhz buna görə meymunu "Alophia metios" növünə aid etmək lazım gəlir. Çeynənən səthlərdə fərqlilik aşkardır. Xüsusi tırtıllar gözə dəymir. Bu xüsusiyyətə görə alimlər əvvəlcə donuz qalığı tapdıqlarını düşünürdülər. Həmin növün rasionuna bərk meyvələr, toxumlar və fındıq daxil olub. Alimlər bundan çıxış edərək, belə hipotez irəli sürüb ki, meymunlarda və insanlarda dişlərin inkişafına yarpaq yemənin pəhrizə salınması səbəb kimi göstərilməlidir.

Daha əvvəl 19 milyon və 25 milyon il əvvələ aid meymun qalıqları tapılmışdı və alimlər 6 milyon il ərzində meymunun təkamülünü anlamağa çalışırdılar. 22 milyon il əvvələ aid tapıntı bu boşluğu doldurub və meymunun insana çevrilməsində pəhrizin əhəmiyyətli rolunu ortaya qoyub.

Milli.Az

loading...

Şərh yaz:

4 Şərh:

  • Anonim
    ... · 12 Mart 21:0470

    Bu ne cahillikdi meymun insana cevrilib yox bir insanlari axmaq yerine qoyurlar biz Adem ovladlariyiq Rebbimiz Adem peygamberi de insan olaraq uaradib. Buna apacik Quran ayetleri var.

    Cavab yaz
  • Anonim
    İstanbul · 12 Mart 21:0740

    Bir şeyi anlamaq istiyirəm ki niyə elm adına insan özünü meymunun törəməsi hesab etsin. Bu elmə nə verəcək?

    Cavab yaz
  • Anonim
    orbet. · 12 Mart 22:0060

    İnsan orqanizmində 100 minə yaxın protein var. 100 min proteindən yalnız 40- ı ( bu da hələ müzakirə olunasıdır tam dəqiq deyil )meymunda var. DNT uyğunluğu və insanın meymundan əmələ gəlməsinin konkret bioloji əsası yoxdur. Ona qalsa nematod soxulcanları ilə insan DNT-i müqayisəsində 75 faiz uyğunluq var. İndi deyək ki, insan soxulcandan əmələ gəlib? Bütün canlılar 114 elementdən müxtəlif vaxtlarda növlərdə yaradılmışdır və hardasa nəsə uyğunluq ola bilər. Amma genlərinə müxtəlif şifrələnmiş proqramlar yüklənmişdir. Genlərdə 1 faiz belə fərq olsa, genetik uyğunluq sayılmaz. Belə məlumatların yayılması, elmi əsaslı yox, propaqanda məqsədlidir.

    Cavab yaz
  • Anonim
    Qəbələli · 12 Mart 22:3820

    Darvinin soyu nədisə özləri bilər amma bizim soyumuz türk soyudu

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.