Rusiyada Milli Qastronomiya İnstitutu yaradılır.
Milli.Az AZƏRTAC-a istinadən bildirir ki, bu barədə Rusiya Mədəni-Qastronomiya Turizmi Assosiasiyasının sədri İrina Klimkina məlumat verib. İnstitut Rusiyada qastronomiyanın tarixi və müasir vəziyyətini öyrənəcək, bu sahədə mütəxəssisləri bir araya toplayacaq, Rusiya mətbəxinin xaricdə təbliği, mətbəx nümunələrinin UNESCO-nun mədəni irs siyahısına daxil edilməsi və digər məsələlərlə məşğul olacaq.
Rusiya Qastronomiya İnstitutu Türkiyə, İspaniya, Fransa, İtaliya və İndoneziyadan sonra dünyada fəaliyyət göstərəcək 6-cı belə qurum olacaq.
Milli.Az