Amerikalı model Kendall Cenner işlərinin çoxluğuna rəğmən basketbolçu sevgilisi Ben Simmonsun çıxış etdiyi "Philadelphia 76ers"in NBA matçlarını izləməyə vaxt tapır.
Milli.Az fanat.az-a istinadən xəbər verir ki, Kim Kardaşyanın balaca bacısı son bir həftədə qarşılaşmalara yollanmaq üçün iki dəfə özəl helikopter icarəyə götürüb. Hər iki oyunda salonun diqqətini üzərinə çəkən Kendall oyunun ulduzuna çevirilib.
O, son olaraq "Philadelphia 76ers"in "Los Angeles Lakers"lə oyunun izləmək üçün helikopter icarəyə götürərək Nyu Yorkdan Filadelfiyaya uçub.
Qeyd edək ki, Kardaşyan ailəsi daim NBA-nın maqazin gündəmndə olub. Kendallın bacılarından Kim Kardaşyan bir müddət NBA-da forma geyinən ris Humprieslə qısa müddət evli olub. Onun digər böyük bacısı Kloe Kardaşyan da NBA ulduzlarından Lamar Odomla evli olub. Boşandıqdan sonra Tristan Tompsonla görüşüb.
Kendallın özünün isə NBA-dan ilk sevgilisi Çandler Parsons olub. O, daha sonra başqa bir basketbolçu - Blak Qriffinlə sevgi münasibəti yaşayıb.
Milli.Az