Maraqlı

Yaponiyanın ən məşhur yeməyi

9 Fevral 2019 22:05
6 Şərh     Baxış: 703

Ən iri göydələnlərin, ən müasir memarlıq abidələrinin məskəni sayılan Nyu-York həm də dadlı yemək mərkəzlərindən biridir. Dünyanın dörd bir yanında şöhrət tapan qeyri-adi restoranların mütləq bir Nyu-York fililalı da olur. Bu gün onlardan biri- Yaponiyanın məşhur İçiran restoranı haqda danışacayıq.

Milli.Az "Amerikanın səsi"nə istinadən bildirir ki, ən dadlı milli təamın təqdim olunduğu İçiran həm də Yaponiyanın fərqli yemək mədəniyyətini Nyu Yorkda sərgiləyən nadir restorandır. Restoranın bir maraqlı cəhəti də odur ki, menyuda sadəcə bir yemək var. "Forbes", "New York Times" kimi mənbələrin iddiasına görə, İçiran restoranında Yaponiyanın və dünyanın ən dadlı "rameni" satılır. Nədir bu "ramen"? Bizim dilimizlə desək, əriştə şorbası. Bu şorbanın hazırlanmasında Çin əriştəsindən, ət bulyonundan və soya sousundan istifadə olunur. Yaponlar bu yeməklə 19-cu əsrdə çinli immiqrantların Yaponiyaya köçü zamanı tanış olub. İllərlə "Ramen" bişirməkdə mütəxəssisləşən yaponlar bu yeməyi dünya bazarına da çıxarmağı bacarıb.

Ənənəvi yapon restoranlarında olduğu kimi, İçiranda da masalar tək adamlıqdır. Hətta siz ailənizlə, dostlarınızla yeməyə getsəniz belə, ayrı-ayrı masalarda oturacaqsınız. Bu masalar yemək masasından çox hər hansı bir bank və ya vağzaldakı kiçik pəncərəli məntəqələri xatırladır. Qarşı pəncərədən sizə yemək ötürülür və dərhal pəncərənin pərdəsi bağlanır. Beləliklə, bir qab xorəklə baş-başa qalırsınız. Salon elə qurulub ki, masalarda oturan insanlar yemək yeyərkən bir-birlərini görmürlər. Yəni hər kəs elə bir öz evindədir - özünü tam sərbəst və tam rahat hiss dir. Hər masanın önündə bir düymə var, siz o düyməyə basana qədər heç kim sizi narahat eləmir. Düyməyə basdıqdan sonra Yapon samanından hazırlanmış ənənəvi pərdə açılır və ofisiantla danışa bilirsiniz.

Bu qeyri-adi şam yeməyi Uzaq Şərqin ən qədim mədəniyyətlərindən biri olan Yaponinayın yemək mədəniyyəti barədə təsəvvür yaradır. Qısacası, bu restorana bir dəfə də olsa baş çəkmək gərəkdir. Həm dadlı yemək yeyəcəksiz, həm də qeyri-adi təəssürat qazanacaqsız.

Milli.Az

loading...

Şərh yaz:

6 Şərh:

  • Anonim
    Qarşılıqsız · 9 Fevral 22:1500

    Salam bir şey soruşa bilərəm? Hələdə bu suala cavab tapa bilmirəm. Kimisə məcbur edib,həmin adama deyirsən ki,get dostundan küs.sənin həmin adamla dost olmanı istəmirəm.(bu hərəkət günahdımı? Həmin adam heçnə etməyib ancaq məcbur deyirki dostundan ayrıl) nə etmək olar? Çarəsiz qalmışam.mən həmin qızdan ayrılmaq istəmirəm. Özümdə qızam.nə edim bilmirəm.

    Cavab yaz
    • Anonim
      E · 9 Fevral 23:0200

      Başqasının göstərişlərini yerinə yetirmək düzgün deyil.Belə bir şeyi tələb edən bunu əsaslandırmırsa deməli düzgün adam deyil.Belə göstərişləri yerinə yetirən sabah get özünü dağdan at göztərişini də yerinə yetirməlidir.

      Cavab yaz
      • Anonim
        Qarşılıqsız · 9 Fevral 23:1700

        Çox sağolun.amma məcbur edir.məni hədələyir.mənim rəfiqəmlə köhnə dostuynan aralarında problem olmuşdu.sonra həmin(mənim ondan ayrılmagımı istəyən adam) bunu bildi sonra dedi ki o qizdan xoşum gəlmir ondan uzaq dur.mənim həyatıma qarisir.mənim yerimə işlər görür.mən anlaya bilmirəm.qorxuram

        Cavab yaz
        • Anonim
          Kişi · 9 Fevral 23:3000

          Kül başıva. Sən hələ bu həyatda bir insan kimi formalaşmamısan?

          Cavab yaz
          • Anonim
            Qarşılıqsız · 10 Fevral 00:1500

            Siz kimi deyirsiniz?

            Cavab yaz
  • Anonim
    Mechul · 10 Fevral 03:4300

    ALLAH uzaq etsin onlarin metbexinden restoranindan yemek yemeyi:)

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.