Maraqlı

Bütün analar behiştə gedəcəkmi?

9 Fevral 2019 19:10
1 Şərh     Baxış: 856

Həzrət Peyğəmbərdən (s) belə bir hədis vardır ki, behişt anaların ayağı altındadır. Bəs görəsən bütün analar behiştə gedəcəklərmi?

Bu, elə sualdır ki, sanki deyirsən ki, görəsən bütün insanlar behiştə gedirlər?

İnsan o zaman behiştə gedər ki, əməlləri ona layiq olar. Bu qanun analara da aid edilir. İslam dini anaların məqamının uca olduğunu həmişə vurğulamışdır. Ancaq bu, o demək deyildir ki, bütün anaların behiştə daxil olmaq ləyaqəti vardır.

Ananın qəlbi mühümdür. Gərək bu qəlb sağlam və riqqətli olsun. Gərək bu qəlb Allahın hərəmi olsun. Gərək bu qəlb təqvalı olsun. "Və Biz insana ata-anası barəsində tövsiyə etdik. Anası onu (hamiləlik dövründə öz bətnində) getdikcə artan bir zəifliklə daşıdı (uşağa süd vermək və) süddən kəsmək iki il ərzində olur. (Dedik) ki: "Mənə və ata-anana şükür et ki,(hamının) dönüş(ü) Mənə tərəfdir"". ("Loğman" 14).

Milli.Az deyerler.org-a istinadən bildirir ki, övlad tərbiyəsində atanın da mühüm rolu vardır. Ancaq ana onu 9 ay bətnində daşıyır, dünyaya gətirir və ona öz canından olan südünü verir. Ananın övladları üçün çəkdiyi əziyyət atalardan daha çox olar.

Bu səbəbdəndir ki, dinimiz analara xüsusi ehtiram göstərir və onların məqamının uca olduğunu bəyan edir. Övladlara tövsiyə edir ki, analara qarşı xüsusi ehtirama malik olsunlar.

Ana - övlad üçün əvəzolunmaz bir insandır. Ancaq ananın axirətdəki məqamı onun öz əməllərindən və əqidəsindən asılıdır. Əgər iman əhlidirsə, təqvaya malikdirsə və vacibatları yerinə yetirib, haramlardan çəkinirsə, həyat yoldaşına hörmət edirsə və bu kimi vəzifələri ən yaxşı şəkildə yerinə yetirirsə - mütləq behiştlə mükafatlandırılar. Və bütün analar üçün ən yaxşı örnək - Həzrət Zəhradır (s.ə).

Milli.Az

loading...

Şərh yaz:

1 Şərh:

  • Anonim
    Ağsaqqal · 9 Fevral 19:4120

    ,,Zümzüməsi zabul ,segah ,heyratı ,Sinəsində yatır neçə bayatı ,Kitablara sığmaz yazsan həyatı ,Mənim anam şair imiş sən demə ! Hər möhnətə qatlaşandan,dözəndən ,Saç ağardıb ,ürəyimi üzəndən ,Övlad -övlad kitabları yazandan ,Mənim anam şair imiş sən demə ! ..1980-ci illər

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.