Kanadanın Toronto şəhərində yaşayan bağban Bryus Makartur 8 nəfəri qətlə yetirdiyini etiraf edib.
Milli.Az ölkə.az-a istinadən xəbər verir ki, bağbanın qurbanları Qey-Villic rayonunda, yəni yerli homoseksualların icması yerləşən ərazidə yaşayıblar. Qətl 2010-2017-ci illər arasında törədilib. 67 yaşlı Makarturun ilk qurbanı keçmiş tanışı olub. Sonra isə iki əfqanıstanlı miqrant, Şri-Lankadan olan iki qaçqın, bir nəfər İran, bir nəfər Türkiyə vətəndaşı və bir nəfər də evsiz kanadalı olub.
Qatil bağban 2018-ci ildə həbs edilib. Bu zaman onun evində çarpayıya bağlanmış yeniyetmə aşkar edilib. Polisin məlumatına görə, bağban meyitləri müştərilərinin birinin bağına basdırırmış.
Qeyd edək ki, Makarturu ömürlük həbs cəzası gözləyir.
Milli.Az