"Google Play"dən bank kartlarının məlumatlarını oğurlayan mobil proqramların adı məlum olub. Bu haqda "Trend Micro" məlumat verib.
Milli.Az ICTnews-a istinadən bildirir ki, həmin proqramlar "Currency Converter" və "BatterySaverMobi" adlı mobil tətbiqlərdir. "Google"dan verilmiş məlumata görə, həmin proqramlar artıq rəqəmli mağazadan silinib. İkinci mobil proqram 5 min dəfə quraşdırılıb.
Ekspertlər mobil tətbiqlərin proqram kodunu araşdırdıqdan sonra məlum olub ki, sözügedən proqramlarda "Anubis" virusundan istifadə edilib. Həmin virus hakerlərin ekrana müdaxilə etməsinə imkan verir.
Milli.Az